Edwein 69:2 - AHYERƐLƐ KRONGRON

² Meme mekɔ aseɛnwo wɔ asaa pɛkyɛpɛkyɛ nu, bɔ mennya nekaa memva me gya mendindim ɔ; maadwu buma nu, na asue ne wayi wabu wafa me so.

Edwein 69:2 Iomraidhean Croise

YOB NWOMAA NE 22:11

Awosii asi wɔ nye bɔ ennwu nikye ɔ, na nzue ayi afa wɔ nwo nekaa biala.

Edwein 32:6

Yiti ebiala bɔ ɔtengyɛ ne, odi kyɛ ɔbɔ mbaeɛ okyire wɔ. Amaneɛnwunɛ mmerɛ nu, sɛ amaneɛnwunɛ ba ye so kyɛ asue bɔ wayi bɔ ɔse wuruwuru a, ye de ɔngoto ye.

Edwein 40:2

Ɔyele me fili ewue kumaa nu, ɔyele me fili asaa nu, na ɔfale me gya siesiele nyɔbotaen so mane me gya bo tindimuni.

Yeremia 38:22

Tie, mmrasua amukoraa bɔ baha wɔ Yuda hene ahemvie ne, bɛkɔfa bɛ bekofite bɛkɔɔma Babilɔn hene mbanyi mɔ, na mmrasua nemɔ kɔhã kyɛ, ‘Wɔ mmango mɔ balakalaka wɔ bali wɔ so ngonim; afei bɔ wɔ gya atimu asaa nu ye, bakakyi bɛ si bama wɔ.’

Yeremia 38:6

Yiti bɛhyele Yeremia, na beegyili ye bɛtole Nana awa Malkiya ye abura bɔ ɔwɔ kuku nu aluo berɛ ne anu. Bɛfale nyamaa yeɛ bedwurale Yeremia bɛtole nu ɔ. Né nzue nne abura ne anu, na mmom asaa ngome, na Yeremia mene wɔ asaa ne anu.

Yona 2:6

Ndwu ngɔle mmokaa nemɔ abo dɔ paa, ndwu ngɔle aseɛ ne aso; aseɛ bɔ ye mmuralɛ bɔ ɔbrambram ye pambim mɔ asi ne, ɔhane me miane afebɔɔ ne. Nakoso ao AWURADE me Nyameɛ, ɛyele me ngoa fili ɛborɔ kumaa nu dɔ fite wale.

Mateo 7:25

Esue piri bie tɔle, na nzue yili, mvrama tuli oofini sua ne, nakoso wammu, ɔnate kyɛ bɛtole ye fapem ne wɔ nyɔbotaen so.