Edwein 69:16 - AHYERƐLƐ KRONGRON

¹⁶ Ao AWURADE,‘ tie me, ofikyɛ wɔ ɔdɔ bɔ onni ngasi ne, ɔte paa; gyina w’anwumvoinnwunɛ kandinga ne aso, ná pɛne wɔ nye baanea me.

Edwein 69:16 Iomraidhean Croise

Edwein 106:45

Ɔnate bɛ ti, AWURADE kayele ye apam ne, na onwuni bɛ anwumvoin, kyɛbɔ ye ɔdɔ bɔ onni ngasi ne, ye piri si te ɔ.

Edwein 109:21

Nakoso, ao Nyameɛ m’AWURADE, wɔ dumaa ti, di me dwirɛ ma me; pepɛ de me, ofikyɛ wɔ ɔdɔ bɔ onni ngasi ne ɔte paa.

Edwein 18:5

ɛborɔ dɔ nyamaa mendale me, na ewue ngaen wale me so kyɛ ɔbaahye me.

Edwein 25:16

Pɛne wɔ nye baanea me, ná nwu me anwumvoin, ofikyɛ waha me ngome, na menwu amaneɛ.

Edwein 26:11

Nakoso me de, nahorɛlilɛ yeɛ mefa menate ɔ; pepɛ de me, ná nwu me anwumvoin.

Edwein 36:7

Ao Nyameɛ, wɔ ɔdɔ bɔ onni ngasi ne, kyɛbɔ ye nwo osi le mvasoɛ ɔ! Na adasa mmaa bɛnwati bɛbafea wɔ ndaa ne abo fɔnwoo ne anu.

Edwein 51:1

Ao Nyameɛ, gyina wɔ ɔdɔ bɔ onni ngasi ne aso ná nwu me anwumvoin, gyina w’anwumvoinnwunɛ kandinga ne aso, ná kyikyi me mmeraatolɛ.

Edwein 63:3

Wɔ ɔdɔ bɔ onni ngasi ne, ɔte paa tra ngoa; ye sɔ ati, me noa kɔye wɔ ayɛ.

Edwein 69:13

Nakoso, ao AWURADE, me de, wɔ yeɛ mebɔ me mbaeɛ mekyire wɔ ɔ. Ao Nyameɛ, mmerɛ bɔ ɔsɛ ɔ nu, wɔ ɔdɔ totohyia bɔ onni ngasi ne ati, bua me. Wɔ ngoalelɛ bɔ onni ngasi ne ati,

Yesaya 63:7

Ngɔhã AWURADE ye dɔ pindinn ne, ɔne AWURADE ayɛyelɛ ne nwo dwirɛ, bɔ ɔfa bɔ AWURADE ayɔ ama yɛ amukoraa nwo, ɔne paa kandinga bɔ wafa wayɛ Yisrael awuro ama ɔ, kyɛbɔ ɔnate ye anwumvoinnwunɛ so, ɔne kyɛbɔ ye dɔ pindinn ne piri ɔte ɔ.

Mika 7:19

Okosa konwu yɛ anwumvoin, okoli y’amumuyɛɛ so ngonim; na ekofindi bɛ bɔne amukoraa kogua ɛpo buma ne anu.