Edwein 69:11 - AHYERƐLƐ KRONGRON

¹¹ Mmerɛ bɔ mvale ɛsɛen tena nyɛle me tena ne, ngakyili bɛ noa nu ngorohoɛ dwirɛ.

Edwein 69:11 Iomraidhean Croise

1 Ahemvo 9:7

ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.

YOB NWOMAA NE 17:6

“Wamaa mayɛ mmenia bɛ noa nu ngorohoɛ dwirɛ, na makakyi sona bɔ mmenia tiatia ye nyunu ɔ.

Edwein 109:24

Ɛhɔenhyelɛ ama m’aporɛ nu ayɛ hodwoo, na mafɔ kangenaen.

Yesaya 20:2

sɔ mmerɛ ne, AWURADE fale Amoso awa Yesaya so hane kyɛ, “Kɔye ɛsɛen tena bɔ afa apɛ wɔ bo ne gua berɛ, ná puropuro wɔ mbaboa ne fi wɔ gya gua berɛ.” Ɔyɔle sɔ, na ɔyele ye nwo tole so fale ye gya guale ase.

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yoel 1:13

Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Yoel 1:8

Bɔ awuye kyɛ ababunu bɔ wahera ɛsɛen tena, bɔ odi ye ndaluwa nu biaa nwo kuna ɔ.

Deuteronomi 28:37

Maen maen mukoraati bɔ AWURADE kɔfa wɔ kɔhɔ so ne, bɔ ɔkɔto wɔ ne kɔyɛ bɛ nwanwa, na ɛmɔkɔkakyi berɛ ama mɔ bɛ noa nu anyandera ne ngorohoɛ dwirɛ.