Edwein 68:4 - AHYERƐLƐ KRONGRON

⁴ Ɛ́mɔto Nyameɛ nwo dwein, ɛ́mɔto ye dumaa nwo ayɛyelɛ dwein, ɛ́mɔpɛ atimbire bɛ́ma bɔ ɔte nikyee so ɔnate munungum so ne; ye dumaa ole AWURADE, na ɛmɔli ahurusi wɔ ye nyunu.

Edwein 68:4 Iomraidhean Croise

Edwein 104:3

Wɔ sua mbuna mɔ, begyigyi nzue mɔ so, ɛfa munungum yɛ wɔ teaseɛnam, na mvrama ye ndaa so yeɛ ɛnate ɔ.

Edwein 16:11

Wɔ yeɛ ekyire me ngoa atee ɔ. Wɔ nyunu yeɛ nningyein bɔ ɔyɛ ahomeka mu wɔ ɔ, na wɔ sa famaa nu yeɛ anigye wɔ afebɔɔ ɔ.

Edwein 18:10

Ɔtenane kɛrubo so tuli, na ɔnate mvrama ye ndaa so wale ndɛndɛ.

Edwein 5:12

Ofikyɛ AWURADE, eyira sona bɔ ɔtengyɛ ɔ, ɛfa adom ɛpɛ ye nwo yia kyɛ akokyɛm.

Edwein 66:2

ɛ́mɔfa ayɛyelɛ bɔ animnyam wɔ nu ɔ bɛ́ma ye.

Edwein 66:4

Aseɛ so nikyee biala sɔne wɔ; bɛto wɔ nwo ayɛyelɛ dwein, bɛto wɔ dumaa nwo ayɛyelɛ dwein.” Sela

Edwein 67:4

Odi kyɛ maen maen bɛ nye gye ná bɛfa ahurusililɛ bɛto dwein, ofikyɛ ɛfa pɛpɛɛpɛyɛlɛ ebua maen maen mɔ ndɛen, na esa fa bu aseɛ ye aso maen maen mɔ. Sela

Edwein 68:33

Bɔ ɔnate ewienu anwuro anwuro, tetetete nyameɛso ne, ɛ́mɔto ye nwo dwein; ɛ́mɔtie, ye komvi piri ne, ɔbɔ nu kurudududu.

Edwein 83:18

Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Edwein 97:11

Kanea ta ma teneneefoɛ, yeɛ bɛ bɔ b’ahone nu te ne koso, benya anigye.

Ɛksadɔso 3:14

Na Nyameɛ buale Mose kyɛ, “ME ALA OLE ME ALA.” Na osele kyɛ, “Bɔ ɔsɛ kyɛ ɛkã kyire Yisraelfoɛ hɔ ɛhe: ‘ME ALA asoma me ɛmɔ berɛ.’ ”

Ɛksadɔso 6:3

Nyele me nwo ali ngyirele Abraham, Yisake ne Yakob kyɛ nde Tuminiɛ Nyameɛ. Nakoso me dumaa YAHWE (AWURADE) ne de, mamma bangyina so bannwu me.

Ɛksadɔso 6:8

Aseɛ bɔ mata ndaen kyɛ ngɔfa ngɔma Abraham, Yisake ne Yakob nen, ngɔfa ɛmɔ ngɔhɔ so. Ngɔfa ngɔma ɛmɔ maa ɔkɔyɛ ɛmɔ deɛ. Me ole AWURADE.’ ”

Anyandera 10:28

Teneneeniɛ ye anyelasoɛ oyie ye anigye nu, nakoso bɔ bɔnefoɛ nye la so de, ɔyɛ mbaen.

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Yesaya 40:3

Ebie tea nu wɔ ɛserɛ so kyɛ, “Ɛ́mɔbɔ AWURADE atee bɛ́to berɛ, ɛ́mɔpakye atimbire bɔ ɔtengyɛ ɔ wɔ aseɛ pralaa so bɛ́ma yɛ Nyameɛ.

Yesaya 62:10

Ɛ́mɔworo, ɛ́mɔworo pambim nemɔ anu, ɛ́mɔsiesie atee ne bɛ́ma maen ne, ɛ́mɔye atimbire ne, ɛ́mɔye atimbire ne, ɛ́mɔtutu nyɔboɛ ne béfi so, ɛ́mɔfa frangaa bɛ́pena berɛ bɛ́ma maen maen mɔ.

Deuteronomi 33:26

“Yesurun Nyameɛ ne, nyameɛ biala nne berɛ bɔ ɔte kyɛ ye ɔ, ye yeɛ ɔnate ye tumi piri so fa munungum nu, ná ɔfa ewienu baboka wɔ ɔ.