Edwein 68:3 - AHYERƐLƐ KRONGRON

³ Nakoso teneneefoɛ de, ma bɛ nye ɔgye, maa beli ahurusi wɔ Nyameɛ nyunu; maa benya anigye mmorosoɛ.

Edwein 68:3 Iomraidhean Croise

Edwein 21:1

Ao AWURADE, w’anwoserɛ ne ati ɛhene ne nye gye; na wɔ ngoalelɛ ne ati, nea kyɛbɔ osi di ahurusi paa ɔ!

Edwein 32:11

Ao teneneeniɛ, di ahurusi wɔ AWURADE nu, ná ma wɔ nye gye, na ɛmɔ bɔ ɛmɔ ahone nu te ne amukoraa, ɛmɔli ahurusi bɛbɔ ese.

Edwein 37:20

Nakoso bɔnefoɛ de, bɛ boso konua, na AWURADE pɔfoɛ mɔ, bɛte kyɛ ndire nyerɛen; bekotu bekomini, bekotu bekomini kyɛ nwosina.

Edwein 43:4

Na ngɔhɔ Nyameɛ afɔleɛ bokyea ne anwo, ngɔhɔ Nyameɛ bɔ ɔte m’anigye mmorosoɛ ne berɛ; ao Nyameɛ, me Nyameɛ, ngɔbɔ sangoo ngɔye wɔ ayɛ.

Edwein 58:10

Teneneeniɛ nwu kyɛ batɔ bɔnefoɛ so wereɛ a, ye nye gye; okonwunzi ye gya bo wɔ bɔnefoɛ mogya nu.

Edwein 64:10

Teneneefoɛ bekoli ahurusi wɔ AWURADE nu, na bɛkɔbɔ bɛ nwo adwaa wɔ ye nu. Bɛ bɔ b’ahone nu te sannwuu ne, bɛkɔhoahoa bɛ nwo.

Edwein 75:4

Sona bɔ ɔhoahoa ye nwo ne, mekã mekyire ye kyɛ, “Nnɛhoahoa wɔ nwo,” yeɛ mekã mekyire bɔnefoɛ kyɛ, “Nnɛfa wɔ tumi hoahoa wɔ nwo;

Edwein 97:12

Ao ɛmɔ, teneneefoɛ, ɛmɔli ahurusi wɔ AWURADE nu, ná ɛ́mɔkaye ye krongronyɛlɛ wɔ mmerɛ bɔ ɛmɔfa ye asennaa bɛma ye ɔ!

Deuteronomi 12:12

Na ɛmɔkoli ahurusi wɔ AWURADE ɛmɔ Nyameɛ nyunu, ɛmɔ ne ɛmɔ mma mmienzua ne mmrasua, ɛmɔ ngoaa ne afaneɛ mɔ, ɔne Lewifoɛ bɔ bɛte ɛmɔ kuro, ofikyɛ bɛ de belle kyɛfa anaa agyapadeɛ biala kyɛbɔ ɛmɔ de ɛmɔanya ye ne.

1 Tɛsalonikafoɛ 5:16

Ɛ́mɔli ahurusi daa;

1 Petro 1:8

Ye yeɛ ɛmɔnnwuni ye, nakoso ɛmɔkuro ye dwirɛ; ɔwɔ nu kyɛ kekesaala ye de ɛmɔnnwu ye, nakoso ɛmɔde ye bedi, na ɛmɔanya anigye bɔ olle kabea bɔ animnyam wɔ nu ɔ,

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”

Nyekyire 19:7

Ɛ́mɔma yɛ nye gye ná yɛli ahurusi, ná yɛhyɛ ye animnyam, ofikyɛ Boaen Ba n’atɔmvorɛfalɛ ne wadwu, na ɔye ne asiesie ye nwo wayie.