Edwein 68:2 - AHYERƐLƐ KRONGRON

² Kyɛbɔ mvrama bɔ nwosina kɔ ne, sɔ ala yeɛ foa bɛ maa bɛhɔ ɔ; ao Nyameɛ, kyɛbɔ sakyeɛ huro wɔ see nu ne, sɔ ala yeɛ maa bɔnefoɛ bewuwu wɔ wɔ nyunu ɔ.

Edwein 68:2 Iomraidhean Croise

2 Samuel 10:13

Afei Yoabo ne ye koɛhonɛfoɛ hɔle bɛ nyunu bɛ ne Siriafoɛ bɛɛfa bɛtetale so, na Siriafoɛ nwati fili ye nyunu.

2 Samuel 10:18

Siriafoɛ nwati fili Yisrael nyunu; na Dawide huhuni bɛ teaseɛnamhanɛfoɛ ɛyaa nzoo ɔne pɔngɔhanɛfoɛ apee aburanna. Na opurale bɛ safohene Sobake maa owuli berɛ.

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

Edwein 37:20

Nakoso bɔnefoɛ de, bɛ boso konua, na AWURADE pɔfoɛ mɔ, bɛte kyɛ ndire nyerɛen; bekotu bekomini, bekotu bekomini kyɛ nwosina.

Edwein 76:7

Nakoso wɔ de, wɔ nwo yɛ suro! Sɛ ɛfɛ yaa a, nwa yeɛ ɔkɔhora wɔ nyunu gyina ɔ?

Edwein 80:16

Bafa see bayera ye, bapɛ bato ase; sɛ wɔ nye boro bɛ so a, bewuwu!

Edwein 97:5

Mmokaa huro kyɛ nguɛ wɔ AWURADE nyunu, wɔ aseɛ amukoraa AWURADE ye nyunu.

Yesaya 33:3

Ɛbɔ nu kurududududu a, maen maen mɔ bɛnwati, sɛ ekyire wɔ tumi a, maen maen mɔ bɛbɔ aya.

Yesaya 64:2

Kyɛbɔ see sɔ ndire worowaa nu, ɔne kyɛbɔ see ma nzue hu ne, ma wɔ pɔfoɛ mɔ benwu wɔ dumaa, ná maen maen mɔ bɛ nwo ɔwosowoso bɛ wɔ wɔ nyunu!

Yesaya 9:18

Nahorɛ nu, amumuyɛɛ ogye kyɛ see, ɔyera agurɛ ne mmowue, ɔyera ɛhɔayeɛ too, na bɛyɛ nwosina ningɔnn bɛkɔ anwuro.

Yeremia 46:15

Ɔyɛle sɛɛ bɔ w’anwoserɛfoɛ batete bagua ye? Bangora gyina, ofikyɛ AWURADE foane bɛ.

Hosea 13:3

Yiti bɛkɔyɛ kyɛ ngyerɛmɔ munungum, kyɛ bosue bɔ ɔpɛ nu kɔ ndɛndɛ ɔ, kyɛ afafu bɔ mvrama bɔ ɔpɛ ye nwo ɔ, ɔbɔ ye fi nekaa bɔ bɛboro aburoo ɔ, kyɛ nwosina bɔ otu fa mboma nu kɔ ɔ.

Mika 1:4

Mmokaa nemɔ kohuro wɔ ye gya bo, na bɔnza nemɔ nu kodwudwa kyɛ amena bɔ ɔla see nye ɔ, kyɛ nzue bɔ bahwie bagua nekaa bɔ ɔtorotoro ɔ.

Numeri 10:35

Mmerɛ biala bɔ alaka ne kotu ye bo ne, Mose ka kyɛ, “O AWURADE dwɔso, ná ma wɔ pɔfoɛ mɔ bɛbɔ aya, ná ma bɛ bɔ bekyi wɔ ɔ bɛnwati befi wɔ nyunu.”