Edwein 68:1 - AHYERƐLƐ KRONGRON

¹ Nyameɛ, dwɔso, ná ma wɔ pɔfoɛ mɔ bɛbɔ aya; bɛ bɔ bekyi wɔ ne, maa bɛnwati befi wɔ nyunu.

Edwein 68:1 Iomraidhean Croise

2 Aberɛso Dwirɛ 6:41

“Ao AWURADE Nyameɛ, mesrɛ wɔ, bra baatena nekaa bɔ ekole wɔ nwome ne, ɛne wɔ tumi alaka ne. Ao, AWURADE Nyameɛ, fa ngoalelɛ yɛ ɛtena kata w’asɔfo mɔ nwo, ná wɔ mmenia bɔ bedi nahorɛ bɛma wɔ ne, maa beli ahurusi wɔ wɔ paayɛlɛ nu.

Edwein 21:8

Wɔ sa kɔhã wɔ pɔfoɛ mɔ amukoraa. Na bɛ bɔ bekyi wɔ ne, wɔ sa famaa kɔhyehye bɛ mukoraa.

Edwein 44:26

Dwɔso ná baaboka yɛ. Wɔ ɔdɔ bɔ onni ngasi ne ati, pepɛ de yɛ.

Edwein 59:11

Nnɛkũkũ bɛ: ɔba ye sɔ a, me maen bɛ wora kofi; fa wɔ tumi maa bɛbɔ asesa, ná brɛ bɛ ase; ao AWURADE, ɛte y’akokyɛm.

Edwein 68:14

Mmerɛ bɔ Ɛdangama bɔle ahemvo mɔ sandene wɔ berɛ ne, ɔyɛle kyɛ asukɔtwea wɔ Salmon bokaa so.

Edwein 68:30

Ngaka aboyaa bɔ bɛwɔ nekaa bɔ elemmire wɔ ne, nandwie nyii kure bɔ bafra maen maen nandwie mmaa mɔ nu ne, twi bɛ nyunu. Bɛ bɔ ndɔlelɛ yɛ bɛ fɛ ne, fa bɛ wura wɔ gya bo, bɛ bɔ bɛ nye gye koɛ nwo ne, bɔ bɛ sande.

Edwein 89:10

Ɛpɛkyɛle Rahabo kyɛ naenmvuin, na ele wɔ tumi ne mane wɔ pɔfoɛ mɔ bɛbɔle aya.

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Yesaya 33:3

Ɛbɔ nu kurududududu a, maen maen mɔ bɛnwati, sɛ ekyire wɔ tumi a, maen maen mɔ bɛbɔ aya.

Hesekiel 5:2

Nu ngyɛmuɛ nza nu ko ne, mmerɛ bɔ kuro ne tualɛ ne kɔwa ayieleɛ ne, fa see yera ye wɔ kuro n’afia berɛ. Ngyɛmuɛ nza nu ko wora, fa ngrandɛ pepɛ nu wɔ kuro ne anwo bra yia. Yeɛ ngyɛmuɛ nza bɔ waha ne koso, pete gua mvrama nu, na ngɔhwe ngrandɛ ngɔfa ngɔfoa bɛ.

Daniel 2:35

Afei buralɛ ne, ɛfaa ne, kɔɔbere ne, ɛdwetɛ ne ne sikaa kɔkorɛ ne, bɛ nu bubuli nyokonyoko komapɛ, na bɛyɛle kyɛ ahuhuro mmerɛ nu afafu bɔ ɔwɔ nekaa bɔ bɛboro aburoo ɔ; na mvrama bɔle bɛ hɔle bɔ bɛ boso minini ɔ. Nakoso nyɔboɛ bɔ ɔɔbɔle sonaluwaa ne de, ɔyɛle bokaa kandinga, na oyili aseɛ so tɛkyɛ.

Numeri 10:35

Mmerɛ biala bɔ alaka ne kotu ye bo ne, Mose ka kyɛ, “O AWURADE dwɔso, ná ma wɔ pɔfoɛ mɔ bɛbɔ aya, ná ma bɛ bɔ bekyi wɔ ɔ bɛnwati befi wɔ nyunu.”

Deuteronomi 7:10

Nakoso bɛ bɔ bɛpɔ ye ne de, otua bɛ so kerɛ maa bɛ boso yera. Ɔngyɛ ye nwo koraa, na otua bɛ bɔ bɛpɔ ye ne so kerɛ maa bɛ boso yera.