Edwein 67:4 - AHYERƐLƐ KRONGRON

⁴ Odi kyɛ maen maen bɛ nye gye ná bɛfa ahurusililɛ bɛto dwein, ofikyɛ ɛfa pɛpɛɛpɛyɛlɛ ebua maen maen mɔ ndɛen, na esa fa bu aseɛ ye aso maen maen mɔ. Sela

Edwein 67:4 Iomraidhean Croise

Gyenesise 18:25

Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?”

Edwein 2:8

Bisa me, na ngɔma maen maen mɔ kɔyɛ w’agyapadeɛ, ná ofi aseɛ ti bɔ ɔkwaahã ye ti ayɛ wɔ deɛ.

Edwein 82:6

Menwa nyoo, “Ɛmɔte nyameɛ mɔ, ɛmɔ amukoraa, ɛmɔte Anwuro Anwuroniɛ ne, ye mma mmɔ.

Edwein 9:8

Obua wiase ndɛen bɔ ɔtengyɛ ɔ; ɔfa pɛpɛɛpɛyɛlɛ yeɛ obua maen maen mɔ ndɛen ɔ.

Edwein 96:10

Ɛmɔhã ye wɔ maen maen amukoraa nu kyɛ, “AWURADE di hene! Amba, wiase timu berɛ pindinn, ye bo ngotutu le. Ɔkɔfa pɛpɛɛpɛyɛlɛ kobua maen maen nemɔ ndɛen.”

Edwein 98:9

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, yeɛ ɔkɔfa ye pɛpɛɛpɛyɛlɛ yeɛ okobua maen maen mɔ ndɛen ɔ.

Yesaya 54:1

“To dwein, wɔ, mmotaen bɔ anwo ɔ, ma wɔ komvi so to ahurusi dwein, wɔ bɔ ennwuni aworɛ yealɛ le ɔ! Ofikyɛ brasua bɔ bɛpole ye ne, ye mma kɔyɛ pee kɔtra brasua bɔ ogya biaa ne,” AWURADE noa dwirɛ ɛne.

Yesaya 55:4

Tie, mafa ye mayɛ adanzeɛ mama maen maen mɔ, ɔte maen maen mɔ bɛ safohene, ɔne bɔ ɔla bɛ noa ɔ.

Yesaya 60:6

Wɔ maen ne anu afupɔngɔ kɔyɛ pee, bɛte afupɔngɔ akrɔngrɔma bɔ befi Midian ne Efa; bɛ bɔ befi Hyeba ne amukoraa, bɛ́ba. Bɛsoso sikaa kɔkorɛ ne ɛyɛɛ bɛ́ba, bɔ bɛ́bɔ AWURADE ayɛyelɛ nwo dawure ɔ.

Asomafoɛ 17:31

ofikyɛ watu kyẽa ko bie wasie berɛ, bɔ ɔkɔfa sona bie bɔ waneanea nu waye ye ɔ so kobua ewiase amukoraa ndɛen tenenee nu ɔ. Na wali ɛhe nwo adanzeɛ wahyire wɔ etingyɛlɛ bɔ otingyele ye fili awufoɛ nu ne, kyɛ mmenia amukoraa bele ye beli.”

Romanfoɛ 2:5

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?

Galatiafoɛ 4:27

Ofikyɛ bahyerɛ kyɛ, “Ma wɔ nye gye, wɔ, mmotaen bɔ ɛnwo ɔ! Di ahurusi né tea nu, wɔ bɔ ennwu aworɛ yealɛ ɔ! Ofikyɛ brasua bɔ bɛpole ye ne, ole mmaa pee tra brasua bɔ ogya biaa ne.”

Deuteronomi 32:43

“O, maen maen, ɛmɔ ne ye mmenia beli ahurusi, [mmosoen amukoraa, ɛ́mɔkoto AWURADE] ofikyɛ ɔkɔtɔ ye ngoaa mɔ mogya so wereɛ, ɔkɔtɔ ye pɔfoɛ mɔ so wereɛ, [okotua bɛ bɔ bekyi ye kerɛ], ná wate aseɛ ne anwo wama ye mmenia.”