Edwein 67:2 - AHYERƐLƐ KRONGRON

² amaa ɔnate so banwu w’atee wɔ aseɛ ye aso, ná banwu wɔ ngoalelɛ tumi ne wɔ maen maen amukoraa nu.

Edwein 67:2 Iomraidhean Croise

Edwein 117:2

Ofikyɛ ye ɔdɔ bɔ onni ngasi bɔ ole ye ma yɛ ne, ɔte piri, na AWURADE nahorɛlilɛ ne ɔwɔ berɛ afebɔɔ. Ɛ́mɔye AWURADE ayɛ!

Edwein 4:7

Afa anigye awura m’ahone nu atra mmerɛ bɔ b’aburoo ne bɛ nzaa sonene pee ne.

Edwein 41:5

Me pɔfoɛ mɔ bele adwene tɛɛ bɛkekã me nwo dwirɛ kyɛ, “Kyinzu yeɛ okowu ma ye dumaa boso konunu ɔ?”

Edwein 43:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu e? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 52:10

AWURADE ala ye tumi krongron ne ali, wama maen maen mukoraa banwu ye, na aseɛ so nekaa biala konwu yɛ Nyameɛ ngoalelɛ ne.

Daniel 9:17

Yiti yɛ Nyameɛ, w’adaworoma, tie wɔ somvoɛ mbaeɛ ne ye sufrɛ; na ɔnate wɔ, AWURADE wɔ ti, ma wɔ ɛlolɛ ne ɔbra nekaa krongron bɔ wakakyi dandue ne aso.

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Luka 3:6

Na anwoɔnaen amukoraa konwu Nyameɛ ngoalelɛ ne.”

Asomafoɛ 13:10

na osele ye kyɛ, “Ɛte abɔnzam sona! Ɛte tenenee mukoraa pɔfoɛ, nnakannaka ne amumuyɛɛ ayi wɔ ti anu tɛkyɛ, aso ɛngɔyakyi kyɛ ɛkɔhyea Awurade tenenee atee ne ɔ?

Asomafoɛ 18:25

Bɛfale Awurade Atee so yeɛ behyirele ye nikye ɔ, na ɔnate kyɛ ɔyɛ se wɔ sunzum nu ne ati, odwudwole, na ohyirehyirele Yesu nwo dwirɛ turoloo; ɔwɔ nu kyɛ né Yohane asubɔlɛ ne angome yeɛ ɔse ɔ.

Asomafoɛ 22:4

Ndanene bɛ bɔ beli Atee he si nye maa behuni bɛ. Ngyekyele mmienzua ne mmrasua maa bɛfale bɛ beguale kuku nu,

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

Tito 2:11

Ofikyɛ Nyameɛ adom bɔ ɔfa ngoalelɛ brɛ adasa mmaa mukoraa ne, waye ye nwo ali.