Edwein 66:12 - AHYERƐLƐ KRONGRON

¹² Amaa mmenia bahwi bafa yɛ ti so, yɛfale see nu ne nzue nu, nakoso aye yɛ afite afa yɛ awa nekaa bɔ anwonya pee wɔ ɔ.

Edwein 66:12 Iomraidhean Croise

2 Samuel 15:17

Nana Dawide sili nu, bɔ né mmenia ne amukoraa beli ye si ɔ, na beegyinane kuro tiwaa sua bie anwo.

YOB NWOMAA NE 36:16

Wɔ koso, ɔkɔye wɔ kofi aworabɔlɛ nu, ɔkɔfa wɔ kɔhɔ nekaa bɔ anwokyere nne berɛ ɔ, na ɔkɔbɔ wɔ nwo waen, na aleɛ paa kɔyɛ wɔ poen so tɛkyɛ.

YOB NWOMAA NE 5:19

Ɔkɔye wɔ kofi amaneɛ sɔ alaa nzia nu, yoo, na bɔ ɔtɔ so nzoo ne anu, edwirɛ biala ngɔto wɔ.

Edwein 33:19

kyɛ ɔkɔpepɛ kole bɛ kra kofi ewue nu, na sɛ ɛhɔen piri ba a, ɔkɔmaa bekonya bɛ ti bekodidi nu.

Yesaya 51:23

Na ngɔfa ngowura bɛ bɔ bɛhyɛ wɔ so nemɔ bɛ sa nu, bɛ bɔ bahã bahyire wɔ kyɛ, ‘Da berɛ ma yɛtiatia wɔ so yɛhɔ’ ne; na ɛfale wɔ si yɛle kyɛ aseɛnwo, yeɛ ɛfa yɛle kyɛ atee maa bɛfale so.”

Daniel 3:26

Yeɛ Nebukadenesa pingyele see bɔ ogye wuronyiwuronyi wɔ foonoo ne anu ne, na osele kyɛ, “Sadrake, Mesake ne Abedinego, Anwuro Anwuro Nyameɛ ye somvoɛ mɔ, ɛ́mɔfi nu béfite bɛbra!” Yeɛ Sadrake, Mesake ne Abedinego befili see ne anu befitele.

Luka 16:25

“Nakoso Abraham sele ye kyɛ, ‘Mma, kaye kyɛ mmerɛ bɔ né ɛte ase ne, elili wɔ mmerɛ, na Lasarɔso de, onwuni amaneɛ; nakoso kekesaala ye de, ye wora akyekye, na wɔ koso de, wɔ nwo yerayera wɔ.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Yakobo 5:11

Ɛ́mɔtie, bɛ bɔ bemiane bɛ nye bɛfale amaneɛ nu ne, yɛbu bɛ kyɛ banya saleɛ. Yeɛ ɛmɔate Yob amaneɛnwunɛ nu animia ne, na ɛmɔanwu kyɛbɔ Awurade maa osi yiele ye ɔ, kyɛbɔ Awurade anwumvoinnwunɛ sone, ná osa le tema maa ɔbo so ɔ.