Edwein 64:8 - AHYERƐLƐ KRONGRON

⁸ Bɛ noa dwirɛ ti, ɔkɔmaa amaneɛ kɔto bɛ, na ebiala bɔ okonwu bɛ ne, ye nwo kodwiri ye.

Edwein 64:8 Iomraidhean Croise

YOB NWOMAA NE 15:6

Wɔ bɔbɔ wɔ noa dwirɛ yeɛ obua wɔ fɔ ɔ, na mmom nna me ɔ, amba, wɔ noa dwudwolɛ yeɛ odi adanzeɛ tia wɔ ɔ.

Edwein 140:9

Bɛ bɔ bapɛ me nwo bayia ne, bamoma bɛ nwo so; ma bɛ noa nu musue dwirɛ ne ɔbɔ bɛ ti so!

Edwein 144:6

Tete agralaa yerɛmyerɛm, ná bɔ bɛ pete; soma w’agyaen nemɔ maa behũhũ bɛ pasaa.

Edwein 22:7

Ebiala bɔ onwu me ne, ɔgoro me nwo; besobi bɛ noa begua me so, ná bawoso bɛ ti (bahã kyɛ):

Edwein 31:11

Mayɛ sona bɔ me pɔfoɛ mɔ amukoraa bɛgoro me nwo ɔ, na mayɛ nikyee suronyisuronyi wɔ me mmango mɔ nu. Me manifoɛ mɔ besuro me; mmenia nwu me wɔ dwaaso a né bɛnwati.

Edwein 52:6

Teneneefoɛ konwu ye kɔma bɛ nwo kodwiri bɛ, bɛkɔsere bɔnefoɛ ná bahã kyɛ,

Edwein 59:12

Bɛ noa dwirɛ bɔ ɔte bɔne, yeɛ edwirɛ bɔ otua bɛ noa ne ati, ma b’anwomasoɛ ne kakyi ngaen ɔhye bɛ. Ɔnate bɛ noa dwirɛ bɔ ɔte amoenwaa ne ngondombo ne ati,

Edwein 9:3

Me pɔfoɛ mɔ sale bɛ si, na befifini ase bewuwuli wɔ wɔ nyunu.

Anyandera 12:13

Bɔnefoɛ noa dwirɛ tɛɛ osua ye bɔbɔ ye ngaen kye ye, nakoso teneneeniɛ de, onya ye ti didi nu fi amaneɛ nu.

Anyandera 18:7

Kwaseaa ye dwudwolɛ fa ye kɔ amaneɛ nu, na ye noa dwirɛ sua ye kra ngaen.

Yeremia 18:16

Bama b’aseɛ ne aso ayɛ pralaa, na wayɛ nikyee bɔ mmenia sobi bɛ noa begua so afebɔɔ ɔ. Ebiala bɔ ɔpɛ nu berɛ ne, ye nwo kodwiri ye, na okopusu ye ti.

Yeremia 48:27

Aso Yisrael nwo anyɛ wɔ sere? Aso enwuni ye wɔ awuefoɛ nu, bɔ daa biala ɛkã ye dwirɛ a, né ɛwosowoso wɔ ti ye?

Nahum 3:7

Na ɔkɔwa kyɛ, ebiala bɔ ye nye kɔbɔ wɔ so ne, ɔkɔnwati kofi wɔ nwo, na ɔkɔhã kyɛ, Ninewe akakyi kurofoen! Nwa yeɛ okoli ye nwo aworabɔlɛ ɔ? Nisua yeɛ ngonya aworakyekyerɛfoɛ ngɔma ye ɔ?

Numeri 16:34

Ɔnate kyɛ Kora mɔ né bɛbɔ awuye ne ati, Yisraelfoɛ amukoraa bɔ né bapɛ bayia berɛ ne, bɛnwatili, na bɛhane kyɛ, “Aseɛ ne kɔme yɛ koso!”

Mateo 21:41

Na bebuale ye kyɛ, “Okohu sɔ awudifoɛ nemɔ ewue yealɛ, ná wafa bobe boo ne wawura hwɛsofoɛ foforɛ mɔ sa, bɔ bobe telɛ dwu so a bɛkɔfa ye mmakaammaa deɛ bɛkɔma ye ɔ.”

Luka 19:22

Na osele ye kyɛ, ‘Wɔ akoaa atianuserɛniɛ! Wɔ bɔbɔ wɔ noa dwirɛ yeɛ ngogyina so ngobua wɔ foɛ ɔ! Ɛse kyɛ nde sona bɔ me dwirɛ yɛ se ɔ, bɔ mefa bɔ mamva mando berɛ ɔ, yeɛ mebu bɔ nnuale ɔ.

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”

Nyekyire 18:4

Na nza ndele komviɛ foforɛ mvili nyameɛso kyɛ, “Me mmenia, ɛ́mɔfi ye nu béfite, ná ɛmɔanyɔ ye bɔne yɔleɛ ne bie, ná ye hawo ne bie amma ɛmɔ so.