Edwein 64:7 - AHYERƐLƐ KRONGRON

⁷ Nakoso Nyameɛ kɔto ye agyaen ne kɔwɔ bɛ, na bekopura mvum nu.

Edwein 64:7 Iomraidhean Croise

1 Ahemvo 22:34

Nakoso Siria koɛhonɛfoɛ nemɔ anu ko tole ye agyaen sunzumabo, na owurale Yisrael hene ye mvorɔma nu ne buralɛ bɔ ɔkata ye hue so ne b’afia ɔɔwɔle ye. Yiti osele bɔ ɔkã ye teaseɛnam ne kyɛ, “Kakyi wɔ nwo ná fa me fi koɛ noa, na bapura me.”

YOB NWOMAA NE 6:4

Ofikyɛ Ɛdangama Nyameɛ ato ye agyaen mɔ wawowɔ me, me sunzum ɔno bɛ noa borɔ ne, na Nyameɛ ɛyaafɛlɛ ne ɔko tia me.

Edwein 18:14

Ɔtotole agyaen mane ye pɔfoɛ mɔ bɔle aya, ye agralaa bɔ ɔtetele ne mane bɛ nye so tanene.

Edwein 64:4

amaa ɔnate so batetɛ bato basina teneneeniɛ, na bɛto bɛwɔ ye mvum nu bɔ benzuro ɔ.

Edwein 73:19

Nea, b’ayieleɛ yie bɛ mvum nu, bɔ amaneɛ ama bɛ boso anua koraa!

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Anyandera 6:15

Yiti musue kɔto sɔ sona ne mvum nu, na ɔkɔto ye mvum nu bɔ ongonya ye sɔbea ɔ.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Yesaya 30:13

musue he kɔwa ɛmɔ so, kyɛ, terɛ tendenn bɔ wapakye, bɔ wabukye hanwuu bɔ ɔpena bu ɔ, bɔ ye bugualɛ ne, ɔba mvum nu, ɔne berɛ ne ala ɔ.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Mateo 24:40

Sɔ mmerɛ ne, mmienzua nyɔ bɔ bɛwɔ fieso ɔ, bɛkɔfa ko, né bayakyi ko berɛ.

Deuteronomi 32:23

“ ‘Ngɔprapra musue ngogua bɛ so, ngɔto m’agyaen maa ɔkɔhɔ bɛ so.

Deuteronomi 32:42

Ngɔma m’agyaen kɔno mogya kɔbo, na me ngrandɛ koli naen: bɛ bɔ bawuwu ne bɛ bɔ bahye bɛ nnure mogya, ɔne pɔfoɛ mɔ bɔ bɛ ti nwiaa afu agua bɛ nwo ɔ.’