Edwein 64:10 - AHYERƐLƐ KRONGRON

¹⁰ Teneneefoɛ bekoli ahurusi wɔ AWURADE nu, na bɛkɔbɔ bɛ nwo adwaa wɔ ye nu. Bɛ bɔ b’ahone nu te sannwuu ne, bɛkɔhoahoa bɛ nwo.

Edwein 64:10 Iomraidhean Croise

YOB NWOMAA NE 22:19

Bɛ bɔ bɛtengyɛ ne, benwu ye, na bɛ nye gye, na bɛ bɔ bedi be ne goro bɛ nwo bɛka kyɛ,

Edwein 11:1

AWURADE nu yeɛ me wora wura ɔ. Ɔyɛ sɛɛ bɔ ɛmɔse me kra kyɛ, “Nwati kyɛ anomaa kɔ wɔ bokaa so;

Edwein 112:2

Ye boso ama kɔyɛ titire wɔ aseɛ ye aso; teneneeniɛ ye aworɛ ndoatoasoɛ konya saleɛ.

Edwein 25:20

Ao, bɔ me kra nwo waen ná pepɛ de me; nnɛma me nyunu gua ase, ofikyɛ wɔ yeɛ menwati mebafea wɔ nu ɔ.

Edwein 32:11

Ao teneneeniɛ, di ahurusi wɔ AWURADE nu, ná ma wɔ nye gye, na ɛmɔ bɔ ɛmɔ ahone nu te ne amukoraa, ɛmɔli ahurusi bɛbɔ ese.

Edwein 40:3

Ɔfale edwein foforɛ tuale me noa, ɔte yɛ Nyameɛ nwo ayɛyelɛ dwein. Mmenia pee konwu ye ná basuro, ná bafa bɛ wora bawura AWURADE nu.

Edwein 58:10

Teneneeniɛ nwu kyɛ batɔ bɔnefoɛ so wereɛ a, ye nye gye; okonwunzi ye gya bo wɔ bɔnefoɛ mogya nu.

Edwein 97:11

Kanea ta ma teneneefoɛ, yeɛ bɛ bɔ b’ahone nu te ne koso, benya anigye.

Galatiafoɛ 6:14

Na me de, Nyameɛ pa gua kyɛ ngɔfa nikyee bie ngɔhoahoa me nwo, sana y’Awurade Yesu Kristo mmeamudua ne ngome; ofikyɛ ɔnate mmeamudua ne aso babɔ wiase mmeamudua nu bama me, na me koso babɔ me mmeamudua nu bama wiase.

Filipifoɛ 4:4

Ɛ́mɔma ɛmɔ nye gye wɔ Awurade nu daa. Mesi so bieku kyɛ, ɛ́mɔma ɛmɔ nye gye!