Edwein 61:7 - AHYERƐLƐ KRONGRON

⁷ Maa oli bia afebɔɔ wɔ Nyameɛ nyunu; ma ɔdɔ bɔ onni ngasi ne, ɔne nahorɛlilɛ bɛbɔ ye nwo waen!

Edwein 61:7 Iomraidhean Croise

Gyenesise 24:27

kyɛ, “Animnyam hã AWURADE, me mene Abraham Nyameɛ bɔ wamma ye wora amvi ye paayɛlɛ ne ye nahorɛ bɔ odi ma me mene ɔ. Na me koso, AWURADE ayɛ me taataa wafa me wawa me mene abusuafoɛ awuro.”

Gyenesise 32:10

memvata ɔdɔ kandinga ne nahorɛlilɛ pee bɔ afa alo w’akoaa ne anu kaala po, ofikyɛ mmerɛ bɔ né mépɛ asue Yɔɔdan ne, né nnne hwee kyɛ me pɔmaa ye angome; nakoso kekesaala ye de, me boso atrɛ maa manya mmeni kure nyɔ.

2 Samuel 7:26

Na bɛkɔbɔ wɔ dumaa bɛkɔkamvo wɔ daa kyɛ, ‘Asafo AWURADE te Nyameɛ bɔ odi Yisrael so ɔ.’ Na wɔ somvoɛ Dawide boso ama bekogyina pindinn wɔ wɔ nyunu.

Edwein 21:5

Wɔ ngoalelɛ ti, ye animnyam te piri; na afa anidie ne ahennie alo ye.

Edwein 40:11

Ao AWURADE, nnɛyakyi anwumvoinnwunɛ bɔ enwu me ne. Wɔ ɔdɔ bɔ onni ngasi ne, ɔne wɔ nahorɛlilɛ ne, maa ɔbɔ me nwo waen afebɔɔ.

Edwein 41:12

Ɔnate me nahorɛlilɛ ti, atira me nu, na afa me atena wɔ nyunu afebɔɔ.

Edwein 43:3

Ao, soma wɔ kanea ne, ɔne wɔ nahorɛ ne maa beli me nyunu; maa bɛfa me bɛbra wɔ bokaa krongron ne aso, ɔne w’atenaleɛ berɛ.

Edwein 57:3

Ɔkɔsoma kofi nyameɛso kɔɔpepɛ kole me, na bɛ bɔ bɛpena me beku me ne, okogua bɛ nyunu ase. Sela Nyameɛ kɔsoma ye ɔdɔ bɔ onni ngasi ne, ɔne ye nahorɛlilɛ ne.

Anyandera 20:28

Pɛpɛɛpɛyɛlɛ ne nahorɛlilɛ ɔbɔ ɛhene nwo waen, na pɛpɛɛpɛyɛlɛ yeɛ ɔma ye ahennie gyina ɔ.

Mika 7:20

Ɛkɔye nahorɛlilɛ ali kohyire Yakob, ɔne anwumvoinnwunɛ ali kohyire Abraham, kyɛbɔ ata ye nwo ndaen ahyire yɛ nana mɔ fi daa tete ne.

Luka 1:33

na okoli Yakob awuro so hene afebɔɔ, na ye ahennie ne olle ayieleɛ.”

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.