Edwein 61:2 - AHYERƐLƐ KRONGRON

² Sɛ m’abasa nu bu a, mvi aseɛ noa dɔ yeɛ mesu mefrɛ wɔ ɔ. Di me nyunu fa me kɔ nyɔbotaen bɔ ɔwale tra me ne anwo,

Edwein 61:2 Iomraidhean Croise

Edwein 142:3

Sɛ me kra boto a, wɔ yeɛ ɛse m’atee ɔ. Atee bɔ mefa so ne, basua me ngaen bafea wɔ so.

Edwein 143:4

Yiti me sunzum aboto wɔ me nu; m’ahone bɔ ɔla me kunu ɔ, ye wora abɔ.

Edwein 17:1

Ao AWURADE, tie me dwirɛ bɔ ɔyɛ fɛ, yeɛ tie me sufrɛ; tie me mbaeɛ bɔ ofi noa bɔ nnakannaka ɔnne nu ɔ nu.

Edwein 18:2

AWURADE te me nyɔbotaen, m’anwoserɛ afealeɛ ne me defoɛ, me Nyameɛ, me nyɔbotaen bɔ mebɔ me nwo waen wɔ wɔ nu ɔ, me buralɛ ataadeɛ ne me ngoalelɛ anwoserɛ ɔne m’anwoserɛ afealeɛ.

Edwein 18:46

AWURADE te ase! Me nyɔbotaen, meye wɔ ayɛ! Me ngoadefoɛ Nyameɛ, mekamvo wɔ!

Edwein 27:5

Ofikyɛ ɔfa me sie ye afealeɛ ne anu wɔ amaneɛnwunɛ mmerɛ nu; ɔfa me fea ye tena sua afealeɛ ne anu, na ɔfa me gyina nyɔbotaen so.

Edwein 40:2

Ɔyele me fili ewue kumaa nu, ɔyele me fili asaa nu, na ɔfale me gya siesiele nyɔbotaen so mane me gya bo tindimuni.

Edwein 42:6

Me kra aboto wɔ me nu, yiti mekaye wɔ mefi Yɔɔdan ne Hɛmɔn aseɛ so, ɔne Misa bokaa so.

Edwein 43:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu e? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 55:5

Esuronyi ne ahunundetelɛ atɔ me so, na ɛserɛ akyekye me.

Edwein 62:2

Ye ngome yeɛ ɔte me nyɔbotaen ne me ngoalelɛ ɔ, m’anwoserɛ afealeɛ ɛne; hwee ngopusu me.

Edwein 62:6

Ye ngome yeɛ ɔte me nyɔbotaen ne me ngoalelɛ ɔ, m’anwoserɛ afealeɛ ɛne; hwee ngopusu me.

Edwein 77:3

Sɛ mekaye Nyameɛ a, me wora bɔ, medwene ye dwirɛ nwo, na me sunzum boto. Sela

Yesaya 32:2

Bɛ nu biala kɔyɛ kyɛ afealeɛ bɔ mvrama tu a sona fea nu ɔ, nekaa bɔ mvrama piri tu a sona bɔ ye nwo waen ɔ, kyɛ aseɛ wosee so asue bɔ ɔtengyɛ ɔ, kyɛ aseɛ pralaa so nyɔbotaen piri bo fɔnwoo ne.

Yesaya 54:11

“O wɔ bɔ edi yealɛ, bɔ mvrama atu afĩ wɔ, bɔ ebiala ngyekye wɔ wora ɔ, tie, ngɔfa nyɔboɛ nyemenenyemene yeɛ ngosisi wɔ sua mɔ ɔ, na ngɔfa nyɔboɛ bɔ oli safire ngɔto wɔ fapem ne.

Luka 22:44

Né Yesu wora abɔ soma, na ɔhɔle so mane ye mbaeɛbɔlɛ nu yɛle se. Na ye nwo mvifire ne yɛle kyɛ mogya bɔ ɔpepe gua ase ɔ.]

Deuteronomi 4:29

Na dɔ yeɛ ɛmɔkɔpena AWURADE ɛmɔ Nyameɛ si atee ɔ. Na sɛ ɛmɔfa ɛmɔ ahone amukoraati ne ɛmɔ kra amukoraati bɛpena ye si atee a, ɛmɔkonwu ye.