Edwein 60:4 - AHYERƐLƐ KRONGRON

⁴ Bɛ bɔ besuro wɔ ne, asi frangaa ama bɛ, kyɛ bɛfa behyire, ɔnate nahorɛ ti. Sela

Edwein 60:4 Iomraidhean Croise

Edwein 20:5

Maa yɛfa ahurusililɛ yɛbɔ wɔ ngoalelɛ nwo ese, ná yɛpagya yɛ frangaa wɔ yɛ Nyameɛ dumaa nu. AWURADE ɔ́yɔ w’abisadeɛ amukoraa ɔ́ma wɔ.

Edwein 45:4

Kɔ so di ngonim wɔ w’ahennie animnyam nu, ɔnate nahorɛlilɛ, anwobrɛaseɛ ne tenenee ti; wɔ nningyein suronyisuronyi nemɔ, ma wɔ sa famaa ne ohyirehyire wɔ.

Ɛksadɔso 17:15

Yeɛ Mose sili afɔleɛ bokyea, na ɔtole ye dumaa: AWURADE te me frangaa.

Edwein Nu Dwein 2:4

Wafa me wawa ɛpoentolɛ sua ne anu, na ye frangaa bɔ ogyi me so ne ɔte ehurolɛ.

Yesaya 11:12

Ɔkɔfa frangaa kɔpena berɛ kɔma maen maen mɔ, bɛ bɔ bapɛ b’asue bafi Yisrael ne, ɔkɔboaboa bɛ noa, yeɛ bɛ bɔ babɔ aya bafi Yuda ne, ɔkɔboaboa bɛ noa kofi aseɛ ndweasoɛ nna ne aso.

Yesaya 13:2

Ɛ́mɔfa frangaa bɛ́pena bokaa pralaa ti afia, ɛ́mɔtea nu bɛ́frɛ bɛ, ɛ́mɔbɔ bɛ ba ma beewurawura atitirefoɛ nemɔ b’anoa nu.

Yesaya 49:22

AWURADE Nyameɛ nwa nyoo: “Ɛ́mɔtie, mebaama me sa so mekyire maen maen mɔ, ngɔfa me frangaa ngɔpena berɛ ngohyire maen maen mɔ, na bɛkɔfa wɔ mma mmienzua mɔ bɛkɔbɔ bɛ hue so bɛkɔwa, yeɛ wɔ mma mmrasua mɔ koso, bɛkɔfa bɛ bekosie bɛ kɔme anwo bɛkɔwa.

Yesaya 5:26

AWURADE kɔpagya frangaa kohyire dedeede maen maen mɔ, ɔkɔbɔ mvrɛma kɔfrɛ bɛ kofi aseɛ noa dɔ; na nea, bele amirika bɛkɔwa ndɛndɛ!

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.