Edwein 60:2 - AHYERƐLƐ KRONGRON

² Ama aseɛ awoso, adwa aseɛ nu; fa ye nekaa bɔ wadwudwa nemɔ siesie ye nye, ofikyɛ ɔkekã.

Edwein 60:2 Iomraidhean Croise

2 Samuel 22:8

Yeɛ aseɛ pusuli, na ɔwosole; nyameɛso nyinasoɛ ye bo kekane, na ɔwosole, ɔnate kyɛ Nyameɛ ahone huli.

2 Samuel 8:1

Nziɛ ye, Dawide fale koɛ ɔɔtoale Filistifoɛ, na olili bɛ so ngonim. Dawide lele Metege Amma fili Filistifoɛ sa nu.

1 Aberɛso Dwirɛ 18:12

Seruya awa Abisae huhuni Edomfoɛ apee buru ne mmɔtwɛ wɔ Ngyee Bɔnza ne anu.

1 Aberɛso Dwirɛ 18:3

Soba hene Hadadesa koso, Dawide fale koɛ ɔɔtoale ye lili ye so ngonim alaa oodwuli Hamate, wɔ mmerɛ bɔ né ɔkwaaho trɛ ye ahennie ne anu wɔ asue Yufreti noa ɔ.

1 Aberɛso Dwirɛ 18:5

Na Siriafoɛ bɔ bɛwɔ Damasko ne, bɛwale kyɛ bɛbaaboka Soba hene Hadadesa nen, Dawide huni Siriafoɛ nemɔ anu apee aburanyɔ ne nyɔ.

2 Aberɛso Dwirɛ 7:14

ná me maen bɔ me dumaa la bɛ so ɔ, bɛbrɛ bɛ nwo ase, bɛbɔ mbaeɛ, bɛpena me si atee, ná bɛsakyera b’adwene befi brabɔlɛ tɛɛ ne anwo a, ye de ngotie bɛ sufrɛ wɔ nyameɛso, ngɔfa bɛ bɔne ngɔhyɛ bɛ, ná masa b’aseɛ ne anwonyerɛ.

YOB NWOMAA NE 5:18

Ofikyɛ Nyameɛ bɔ opura sona nen, ye ala yeɛ ɔbɔ so borɛ ɔ; ye bɔ ɔbɔ fɛɛ ne, ye sa yeɛ ɔsa anwonyerɛ ɔ.

YOB NWOMAA NE 9:6

ye bɔ ɔwoso aseɛ fi ye boso, ná ɔma aseɛ nyinasoɛ mɔ bɛwoso ɔ.

Edwein 104:32

Ɔto ye nye nea aseɛ a, aseɛ woso, ná ɔte ye sa kã mmokaa a, betu nwosina ɔ!

Edwein 114:7

Ao aseɛ, ma wɔ nwo wosowoso wɔ wɔ AWURADE nyunu, ma wɔ nwo wosowoso wɔ wɔ Yakob Nyameɛ nyunu,

Edwein 18:7

Yeɛ aseɛ pusuli, na ɔwosole; mmokaa mɔ nyinasoɛ ye bo kekane, na ɔwosole, ɔnate kyɛ ye ahone huli.

Edwein 89:40

Abɔngyebɔngye ye fasue amukoraa nu ndokuro, na adwiri ye anwoserɛ afealeɛ mɔ agua ase.

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Yesaya 30:26

Asa koso, ɛsraen talɛ ne kɔyɛ kyɛ eyia talɛ, yeɛ eyia talɛ ne kɔyɛ mmɔhoɛ nzoo kyɛ bafa ye talɛ ɛlɛsoo babɔ nu ɔ, wɔ kyẽa bɔ AWURADE kɔkyekye ye maen ngena so, bɔ ɔkɔma bɛ nwo pakyepakyelɛ ne kɔhɔ ɔ.

Yesaya 5:25

Yiti AWURADE fɛle ye maen so yaa piri paa, odwɔso tiale bɛ huhuni bɛ, mmokaa mɔ wosole, na bɛ fuin mɔ to petene kyɛ fofoɛ bɔ ogua dwaaso ɔ. Na ɛhemɔ amukoraa nu po ne, wanyakyi bɛ so yaafɛlɛ, na ɔtɛ dwɔso tia bɛ.

Yesaya 7:8

Ofikyɛ Siria ahenguro ole Damasko, yeɛ Resin yeɛ ɔla Damasko noa ɔ. (Na toonn bɔ ɔkwaadwu afoɛ aburasia ne nnu ne, Efraim kɔbɔ bɔkɔɔ bɔ ɔngɔyɛ maen ko ɔ.)

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Yeremia 14:17

“Yiti kã sɔ dwirɛ he kyire bɛ: ‘Ma me nye ɔporo moen kɔngɔen ne eyia, nnɛma ye bo pɛ; ofikyɛ me maen awa brasua ababunu ne, babɔ ye bato ase buramm; bapura ye piri paa.

Yeremia 30:17

Ofikyɛ ngɔmaa ekosa kɔte apɔ, yeɛ ngɔma wɔ ngena nemɔ kɔhɔ, AWURADE noa dwirɛ ɛne. Ofikyɛ bɛfrɛle wɔ: Bɔ bapɛ ye asue ɔ. ‘Sion bɔ ebiala mbena ye si atee ɔ!’

Yeremia 4:24

Ndole me nye nneane mmokaa nemɔ aso, na yieee, né bɛwosowoso; na né pambaa nemɔ bɛpo biribiri.

Yeremia 48:38

Na awuyebɔlɛ ngome yeɛ bɛkɔte ye wɔ Moabo sua amukoraa so, ɔne mmorɔnoɛ mɔ so ɔ, ofikyɛ mabɔ Moabo kyɛ kukue bɔ ebiala nye ngye ye nwo ɔ, AWURADE noa dwirɛ ɛne.

Awuye 2:13

Ao Yerusalem awa brasua, nzikyɛ yeɛ nga mva nni wɔ nwo adanzeɛ ɔ? Nzikyɛ yeɛ mva ndoto wɔ nwo ɔ? Ao Sion awa brasua ababunu, nzikyɛ yeɛ mma ɛne ye bɛsɛ ɔ, amaa ɔnate so makyekye wɔ wora ɔ? Ofikyɛ w’asefinɛ ne te piri kyɛ ɛpo, na nwa yeɛ ɔkɔhora kɔsa wɔ anwonyerɛ ɔ?

Hesekiel 34:16

Bɔ wamini ne, ngɔpena ye boso, yeɛ bɔ bafoa ye maa wahɔ ne, ngɔɔfa ye ngɔwa. Bɔ wabubu ne, ngɔbɔ ye borɛ, bɔ ɔnde apɔ ne, ngɔsa ye anwonyerɛ; na bɛ bɔ balɔ bɔ bɛ nwo yɛ se ne wora, ngɔnea bɛ so; na ngɔfa pɛpɛɛpɛyɛlɛ yeɛ ngɔnea bɛ so ɔ.

Hosea 6:1

“Ɛmɔbra, ɛ́mɔma yɛsa yɛhɔ AWURADE berɛ, ofikyɛ ye yeɛ watete yɛ nu pasapasa ɔ, na ɔkɔsa yɛ anwonyerɛ; wapura yɛ, na okosa kɔkyekye yɛ ngena nemɔ aso.

Amose 8:8

Ɔnate sɔ ati, aso aseɛ ngɔwoso anaa, na so ama amukoraa, aso bengoli aworabɔlɛ anaa? Aseɛ ne amukoraa kohuhu kyɛ asue Naele bɔ wayi ɔ, bekohuruhuru ye, na afei ɔkɔhwe kyɛ Misraim asue Naele.

Habakuku 3:10

Mmokaa mɔ nwuni wɔ, na bɛ nwo wosowosole bɛ. Asue bɔ ɔsẽ wuruwuru ɔ pɛle nu hɔle, buma mane ye komvi so teateane nu, na ɔmane ye sa so hɔle anwuro.

Mateo 27:51

Na yieee, ɛtena bɔ ɔpɛ asɔneyɛɛ sua ne anu ne, nu suale nyɔ fili anwuro oodwuli ase; na aseɛ wosole, na nyɔbotaen mɔ nu dwudwale;