Edwein 6:2 - AHYERƐLƐ KRONGRON

² Ao AWURADE, nwu me anwumvoin, ofikyɛ menwu amaneɛ. Ao AWURADE, sa me anwonyerɛ, ofikyɛ me mmowue nu tutu me.

Edwein 6:2 Iomraidhean Croise

Gyenesise 20:17

Afei Abraham srɛle Nyameɛ, na Nyameɛ sale Abimɛlɛke ne ɔye ne ye afaneɛ mɔ anwonyerɛ, na afei bɛhora bɛwowole.

YOB NWOMAA NE 19:21

Ao, me damvo mɔ, ɛ́mɔnwu me anwumvoin e, ɛ́mɔnwu me anwumvoin e, ofikyɛ Nyameɛ ate ye sa wapura me!

YOB NWOMAA NE 5:18

Ofikyɛ Nyameɛ bɔ opura sona nen, ye ala yeɛ ɔbɔ so borɛ ɔ; ye bɔ ɔbɔ fɛɛ ne, ye sa yeɛ ɔsa anwonyerɛ ɔ.

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

Edwein 30:2

Ao AWURADE, me Nyameɛ, nzu mvrɛle wɔ kyɛ ɛboka me, na asa me anwonyerɛ.

Edwein 31:10

Aworabɔlɛ piapia me kɔ ewue nu, na m’afoɛ amukoraa wayɛ ɛpenenɛ ngome. M’amumuyɛɛ ama m’anwoserɛ so ate, na m’aporɛ nu ayɛ me hodwoo.

Edwein 32:3

Mmerɛ bɔ ngane me noa ndole nu ne, m’aporɛ so yɛle me hodwoo, ɔnate ɛpenenɛ bɔ né mepene daa biala ne ati.

Edwein 38:2

Ofikyɛ w’agyaen nemɔ basinasina me, na w’asohwenɛ awa me so.

Edwein 38:3

Ɔnate wɔ yaa bɔ afɛ ne ati, me nwo ndɔ me wɔ me wereɛ nu; ɔnate me bɔne ti, me mmowue nu we me.

Edwein 38:7

Me nwo yerayera me wuronyiwuronyi, me nwo ndɔ me wɔ me wereɛ nu.

Edwein 51:8

Maa nde ahurusi ne anigye dwirɛ, mmowue bɔ agorɔgorɔ bɛ ne, maa beli ahurusi.

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Yeremia 10:24

Ao AWURADE, tea me, nakoso nnɛmaa ɔbo so; nnɛfɛ yaa fa tea me, wanyɛ sɔ a, ebie ngɔha me nu.

Yeremia 17:14

Ao AWURADE, sa me anwonyerɛ, na ngɔte apɔ; pepɛ de me, na ngonya ngoa, ofikyɛ wɔ yeɛ ɛte m’ayɛyelɛ ɔ.

Hosea 6:1

“Ɛmɔbra, ɛ́mɔma yɛsa yɛhɔ AWURADE berɛ, ofikyɛ ye yeɛ watete yɛ nu pasapasa ɔ, na ɔkɔsa yɛ anwonyerɛ; wapura yɛ, na okosa kɔkyekye yɛ ngena nemɔ aso.

Numeri 12:13

Na Mose sũ frɛle AWURADE kyɛ, “Ao Nyameɛ, mesrɛ wɔ, sa ye anwonyerɛ.”

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.