Edwein 6:1 - AHYERƐLƐ KRONGRON

¹ Ao AWURADE, nnɛkã me nyunu wɔ wɔ yaafɛlɛ nu, yeɛ nnɛtwe me so wɔ wɔ yaafɛlɛ piri nu.

Edwein 6:1 Iomraidhean Croise

1 Aberɛso Dwirɛ 15:20

Afei bɛyele Sakaria, Asiɛl, Semeramote, Yehiel, Yuni, Eliabo, Maaseya ne Benaya kyɛ bɛbɔ adengum, kyɛbɔ edweintolɛ bɔ bɛfrɛ ye Alamote ne, ɔte ne ala.

1 Aberɛso Dwirɛ 15:21

Na bɛyele Matitia, Elifelehu, Mikenia, Obɛde Edom, Yeyiɛl ne Asasia kyɛ bɛbɔ sangoo bɛto dwein, kyɛbɔ bɛto Seminite dwein ɔ.

Edwein 118:18

AWURADE ahwe me so paa, nakoso wamva me wanwura ewue sa.

Edwein 12:1

Boka me, ao AWURADE, ofikyɛ teneneeniɛ de, ebie nne berɛ ko; na nahorɛlilɛfoɛ, bɛ boso anunu afi adasa mmaa nu.

Edwein 2:5

Afei okodwudwo kohyire bɛ wɔ ye ɛyaafɛlɛ nu, ná wafa ye ahonehulɛ ne wama ahunundetelɛ atɔ bɛ so, kyɛ,

Edwein 38:1

Ao AWURADE, nnɛtwi me nyunu wɔ wɔ yaafɛlɛ nu, yeɛ nnɛtwe me so wɔ w’ahonehulɛ nu.

Edwein 4:1

Ao, me Nyameɛ bɔ edi me dwirɛ ma me ɔ, mefrɛ wɔ a tie me e! Me nwo hyerele me ne, wɔ yeɛ ɛpepɛ lele me ɔ. Nwu me anwumvoin, ná tie me mbaeɛ.

Yesaya 54:9

“Na ɛhe te kyɛ Nowa mmerɛ ne ala: kyɛbɔ ndale ndaen kyɛ nnɛma Nowa nzueyilɛ ne oyi fa aseɛ so ko ne, sɔ ala yeɛ mata ndaen kyɛ mengɔfɛ wɔ so yaa ɔ, yeɛ mengohwi wɔ nyunu.

Yesaya 57:16

Mengɔbɔ kwaadu afebɔɔ, yeɛ m’ahone koso ngohu daa, anyɔ a, sona sunzum ne ye kra bɔ me yeɛ mabɔ ne, bɛkɔyɛ mmerɛ wɔ me nyunu.

Yeremia 10:24

Ao AWURADE, tea me, nakoso nnɛmaa ɔbo so; nnɛfɛ yaa fa tea me, wanyɛ sɔ a, ebie ngɔha me nu.

Yeremia 46:28

Ao me somvoɛ Yakob, nnɛsuro ofikyɛ ngyi wɔ si, AWURADE noa dwirɛ ɛne. Maen maen amukoraa bɔ mafoa wɔ mahɔ so ne, ngonua bɛ boso. Nakoso wɔ de, mengonua wɔ boso, na mmom ngɔhwe wɔ so kyɛbɔ ɔfata ɔ, na mengɔyakyi wɔ maa ɛngɔfa wɔ nwo ngoli tɔtorɔtɔɔ.”