Edwein 59:5 - AHYERƐLƐ KRONGRON

⁵ Ao AWURADE, Asafo Nyameɛ, ɛte Yisrael Nyameɛ. Dwɔso twe maen maen amukoraa bɛ so; amumuyɛɛfoɛ nnakannakafoɛ ne, nnɛma bɛ nu biala fa ye nwo di tɔtorɔtɔɔ. Sela

Edwein 59:5 Iomraidhean Croise

Gyenesise 33:20

Osili afɔleɛ bokyea berɛ, na ɔfrɛle ye Ɛl Elohe Yisrael.

Edwein 54:3

Ofikyɛ ɛwɔfoɛ mɔ badwɔso batia me, atianuserɛfoɛ bɛpena me beku me; bɛmva Nyameɛ bɛnyɛ huu. Sela

Edwein 55:15

Ma ewue ɔte pe bɛ so; maa bɛhɔ ɛborɔ anyekaenn so, ofikyɛ bɔne wɔ b’awuro ne b’afia.

Edwein 7:7

Ma maen maen so mmenia amukoraa bɛpɛ wɔ nwo beyia, ná tena w’ahennie bia so wɔ bɛ ti so anwuro anwuro.

Edwein 80:4

Ao AWURADE, Asafo Nyameɛ, wɔ maen mbaeɛ ne, ɛkɔfɛ ye nwo yaa maa okoodwu kyinzu?

Edwein 84:8

Ao AWURADE, Asafo Nyameɛ, tie me mbaeɛ. Ao Yakob Nyameɛ, yɛ asoɛ tie! Sela

Edwein 9:15

Kumaa bɔ maen maen mɔ batu ne, batete bagua nu; ngaen bɔ besuale bɛfa bɛfeale ne, wasɔ bɛ bɔbɔ bɛ gya.

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Ɛksadɔso 3:15

Nyameɛ sa sele Mose kyɛ, “Kã kyire Yisraelfoɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ wasoma me ɛmɔ berɛ ɔ.’ Me dumaa bɔ ɔwɔ berɛ afebɔɔ hɔ ɛne, na ɛhe yeɛ aworɛ ndoatoasoɛ mukoraa bɛkɔfa bɛkɔfrɛ me ɔ.

Yesaya 1:10

Mbanyi bɔ bedi Sodom so ɔ, ɛ́mɔtie AWURADE noa dwirɛ! Ɛmɔ Gomorafoɛ, ɛ́mɔyɛ asoɛ bétie yɛ Nyameɛ ngyerɛkyerɛ!

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yeremia 18:23

Nakoso, ao AWURADE, ɛse bɛ porɛ amukoraa bɔ babɔ kyɛ bekohũ me ɔ. Nnɛfa b’amumuyɛɛ kyɛ bɛ, yeɛ nnɛkyikyi bɛ bɔne fi wɔ nyunu. Na mmom maa befi ase wɔ wɔ nyunu; ɛne bɛ li wɔ wɔ yaafɛlɛ mmerɛ nu.

Daniel 6:7

Yɛ, ahennie ye anu mbanyi so neafoɛ mɔ, mbanyi, mbɔtam mbanyi, foɛtulɛfoɛ ne amrado mɔ amukoraa bahã bɛ ti bapura, kyɛ odi kyɛ Nana hyɛ mmeraa, ná ɔbra ye kitii kyɛ, eleburasa ye anu, sona biala bɔ ɔkɔfa ye abisadeɛ kɔto nyameɛ bie anaa sona bie nyunu ne, odi kyɛ begyi ye bɛto gyata nemɔ bɛ tuin ne anu; Nana, sana wɔ ngome wɔ nyunu yeɛ odi kyɛ ɔfa to ɔ.

Amose 9:7

“Ao Yisraelfoɛ, ɛmɔ, aso ɛmɔ bɛtte kyɛ Yitiopiafoɛ bɛmma me anaa? AWURADE noa dwirɛ ɛne. Aso manye Yisrael mamvi Misraim aseɛ so anaa? Aso manye Filistifoɛ mamvi Kafito, yeɛ manye Siriafoɛ mamvi Kire anaa?

Romanfoɛ 9:6

Nna kyɛ ebiaa Nyameɛ dwirɛ ne ayɛ mbaen ɔ, ofikyɛ nna bɛ bɔ befi Yisrael nu amukoraa yeɛ bɛte Yisraelfoɛ ɔ.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.