Edwein 59:16 - AHYERƐLƐ KRONGRON

¹⁶ Nakoso me de, ngɔto w’anwoserɛ nwo dwein; na ngyerɛmɔ ngɔto wɔ ɔdɔ bɔ onni ngasi ne anwo dwein. Ofikyɛ wɔ yeɛ ɛte m’anwoserɛ afealeɛ ne m’amaneɛnwunɛ kyẽa nu afealeɛ ɔ.

Edwein 59:16 Iomraidhean Croise

2 Samuel 22:3

me Nyameɛ, me nyɔbotaen bɔ mebɔ me nwo waen wɔ nu ɔ, m’akokyɛm ne me ngoalelɛ anwoserɛ, m’anwoserɛ afealeɛ ne me nwo adwaa, me defoɛ bɔ ode me fi basabasayɔlɛ nu ɔ.

YOB NWOMAA NE 15:23

Okyinikyini pena aleɛ, na obisa kyɛ, ‘Nisua yeɛ aleɛ wɔ ɔ?’ Na ɔse kyɛ ɔngɔhyɛ né awosii kyẽa ato ye.

YOB NWOMAA NE 37:23

Tuminiɛ ne, nekaa bɔ ɔwɔ ne, yɛngɔhora ngonwu ye, ye tumi ne ye nahorɛlilɛ te piri, na ye tenenee totohyia ne ati, ommua ndɛengyea.

Edwein 101:1

Ngɔto anwumvoinnwunɛ ne ndɛenbualɛ turoloo nwo dwein; ao AWURADE, wɔ nwo dwein yeɛ ngɔto ɔ.

Edwein 106:8

Nakoso ɔnate ye dumaa ti, ɔpepɛ lele bɛ, amaa ɔnate so wala ye tumi kandinga ne ali.

Edwein 138:7

Ɔwɔ nu kyɛ mefa amaneɛ nu de, nakoso ɛbɔ me ngoa nwo waen. Ɛtengyɛ wɔ sa fa tia me pɔfoɛ mɔ b’ɛyaafɛlɛ, na wɔ sa famaa ne yeɛ ɔpepɛ de me ɔ.

Edwein 143:8

Maa nde wɔ ɔdɔ bɔ onni ngasi ne nga ngyerɛmɔ, ofikyɛ wɔ yeɛ mefa me wora mewura wɔ nu ɔ. Maa nwu atee bɔ mva so ɔ; ofikyɛ wɔ yeɛ mepagya me kra mekyire wɔ ɔ.

Edwein 145:11

Bɛka w’ahennie nwo animnyam nwo dwirɛ, na bɛkã wɔ tumi ne anwo dwirɛ,

Edwein 21:13

Ao AWURADE, gyina w’anwoserɛ so ma wɔ nwo so! Yɛkɔto dwein yɛkɔye wɔ tumi ne ayɛ.

Edwein 30:5

Ofikyɛ ye ɛyaafɛlɛ ndena berɛ ngyɛ, na ye anwumvoinnwunɛ wɔ berɛ ma sona mmerɛ bɔ sona ne te ase amukoraa. Sona poro moen kɔngɔen amukoraa, nakoso aleɛ kye a, onya anika.

Edwein 31:7

Me nye kɔgye ná mali ahurusi, ɔnate wɔ ɔdɔ bɔ onni ngasi ne ati, ofikyɛ anwu m’amaneɛnwunɛ ne, na wɔ nye tua aworabɔlɛ bɔ me kra odi ɔ.

Edwein 36:5

Ao AWURADE, wɔ ɔdɔ bɔ onni ngasi ne, ɔkɔkã ewienu dɔ paa, yeɛ wɔ nahorɛlilɛ ne, okodwu munungum nemɔ anu.

Edwein 4:1

Ao, me Nyameɛ bɔ edi me dwirɛ ma me ɔ, mefrɛ wɔ a tie me e! Me nwo hyerele me ne, wɔ yeɛ ɛpepɛ lele me ɔ. Nwu me anwumvoin, ná tie me mbaeɛ.

Edwein 46:1

Nyameɛ te yɛ nwo ɛwaenbɔlɛ ne y’anwoserɛ, bokafoɛ paa bɔ opingye yɛ wɔ amaneɛnwunɛ mmerɛ nu ɔ.

Edwein 5:3

Ao AWURADE, ngyerɛmɔ ɛte me komvi, ngyerɛmɔ mefa me dwirɛ meto wɔ nyunu, na menwondɛ wɔ mmuayɛɛ.

Edwein 77:2

M’amaneɛnwunɛ mmerɛ nu, mepena AWURADE si atee; sɛ odwu kɔngɔen a, metrɛtrɛ me sa nu bɔ me sa onnya ɔ; me kra mbene so kyɛ bɛkɔkyekye ye wora ɔ.

Edwein 86:13

Ofikyɛ wɔ ɔdɔ bɔ onni ngasi bɔ ɛye ye ali kyire me ne, ɔte piri, na apepɛ ale me kra afi ɛborɔ kumaa nu.

Edwein 88:13

Nakoso ao AWURADE, wɔ yeɛ mesu mefrɛ wɔ ɔ, na me mbaeɛ dwu wɔ nyunu ngyerɛmɔ.

Edwein 89:1

Ao AWURADE, ngɔto wɔ ɔdɔ bɔ onni ngasi ne anwo dwein daa, na ngɔte me noa ngɔbɔ wɔ nahorɛlilɛ ne anwo dawure ngohyire aworɛ ndoatoasoɛ amukoraa.

Ɛksadɔso 15:6

O AWURADE, wɔ sa famaa ne te ngonim ne tumi, O AWURADE, wɔ sa famaa ne dworɔm pɔfoɛ ne.

Yeremia 30:7

Edwirɛ awa oo! Ofikyɛ sɔ kyẽa ne, ɔte kyẽa piri, bɔ kyẽa biala nne berɛ bɔ ɔte kyɛ ye ɔ. Ɔte aworabɔlɛ mmerɛ ma Yakob, nakoso okonya ye ti kodidi nu kofi nu.

Romanfoɛ 15:9

kyɛbɔ ɔkɔyɛ bɔ Amaenmaensofoɛ bɛkɔhyɛ Nyameɛ animnyam wɔ ye anwumvoinnwunɛ nwo ɔ, kyɛbɔ bahyerɛ ye kyɛ, “Yiti ngɔkamvo wɔ wɔ Amaenmaensofoɛ nu; na ngɔto edwein ngɔye wɔ dumaa ayɛ.”

2 Korintofoɛ 1:10

Ye yeɛ ɔyele yɛ fili ewue suronyisuronyi sɔa nu ɔ, na ɔkɔpepɛ kole yɛ; ye yeɛ yafa yɛ wora yawura ye nu ɔ, kyɛ okosa kɔpepɛ kole yɛ ɔ.

Ɛfesofoɛ 3:20

Afei ye bɔ ɔkora yɔ maa ɔtra nningyein amukoraa, maa ɔbo so tra bɔ yɛsrɛ anaa yɛsusu ne, kyɛbɔ ye tumi bɔ ɔyɔ yɛ nu adwuma te nen,

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.

1 Samuel 17:37

Na AWURADE bɔ olele me fili gyata sa nu, ɔne kwabrafo sa nu ne, okole me kofi sɔ Filistiniɛ he sa nu.” Yeɛ Sɔɔlo sele Dawide kyɛ, “Kɔ, na mesrɛ kyɛ AWURADE ogyina wɔ si!”