Edwein 57:5 - AHYERƐLƐ KRONGRON

⁵ Ao Nyameɛ, kyire kyɛbɔ esi te piri ɔ wɔ anwuro anwuro! Ma w’animnyam kata aseɛ ye aso amukoraa.

Edwein 57:5 Iomraidhean Croise

1 Aberɛso Dwirɛ 29:1

Nana Dawide sele maen ne amukoraa kyɛ, “Mma Solomon bɔ Nyameɛ waneanea nu waye ye ngome ne, ɔte akwadaa ná onnwuni nningyein nye so yé paa. Nakoso adwuma ne, ɔte piri paa, ofikyɛ sua ne, nna kuro sona sua ɔ, na mmom AWURADE Nyameɛ bɔbɔ deinn ye deɛ ɔ.

Edwein 148:13

Odi kyɛ bɛye AWURADE dumaa ne ayɛ, ofikyɛ ye ngome yeɛ ye dumaa te piri ɔ; ye animnyam trɛ ɔbo aseɛ ne nyameɛso so.

Edwein 21:13

Ao AWURADE, gyina w’anwoserɛ so ma wɔ nwo so! Yɛkɔto dwein yɛkɔye wɔ tumi ne ayɛ.

Edwein 57:11

Ao Nyameɛ, kyire kyɛbɔ esi te piri ɔ wɔ anwuro anwuro. Ma w’animnyam kata aseɛ so amukoraa.

Edwein 59:8

Nakoso AWURADE, wɔ de, ɛsere bɛ, na ɛgoro maen maen amukoraa bɛ nwo.

Edwein 64:4

amaa ɔnate so batetɛ bato basina teneneeniɛ, na bɛto bɛwɔ ye mvum nu bɔ benzuro ɔ.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Edwein 8:1

Ao AWURADE, yɛ Mene, wɔ dumaa piri paa ne kata aseɛ ye aso amukoraa! Wɔ bɔ w’animnyam wɔ ewienu anwuro anwuro ɔ!

Anyandera 12:18

Edwudwolɛ fumfum kora pura sona kyɛ ngrandɛ, nakoso nworɛniɛ ye noa dwirɛ de, ɔsa anwonyerɛ.

Anyandera 30:14

Mmenia biemɔ wɔ berɛ a, bɛ gye te kyɛ ngrandɛ, bɛ gye bɔ ɔwɔ bɛ nnaalɔ dɔ ne, ɔte kyɛ dadeɛ ba, bɔ bɛfa bekuku mmenia bɔ bɛyɛ anwumvo ɔ befi aseɛ ye aso, ɔne ehiafoɛ befi adasa nu ɔ.

Yesaya 12:4

Na sɔ kyẽa ne, ɛmɔkose kyɛ, “Ɛ́mɔfa asennaa bɛ́ma AWURADE, ɛ́mɔbɔ ye dumaa, ɛ́mɔbɔ ye anwanwadeɛ ne dawure wɔ maen maen mɔ nu, ɛ́mɔbɔ ye dawure kyɛ ye dumaa ne te piri.

Yesaya 2:11

Bɛkɔbrɛ ahandaen anyeɛ ase, yeɛ bekogua mmenia b’anwomasoɛ nyunu ase, na AWURADE angome yeɛ bɛkɔma ye so sɔ kyẽa ne ɔ.

Yesaya 2:17

Bɛkɔbrɛ sona ye ahandaen ase, yeɛ bekogua mmenia b’anwomasoɛ nyunu ase, na AWURADE angome yeɛ bɛkɔma ye so sɔ kyẽa ne ɔ.

Yesaya 37:20

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ wɔ ngome twe yeɛ ɛte AWURADE ɔ.”

Yesaya 6:3

Na ebiala tea nu se obiɛngo kyɛ, “Krongron, krongron, Asafo AWURADE te krongron; ye animnyam ayi aseɛ so amukoraa tɛkyɛ.”

Habakuku 2:14

Ofikyɛ AWURADE animnyam nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Habakuku 3:3

Nyameɛ fi Teman wale, amba, Krongronniɛ ne fi bokaa Paran so wale. Sela Ye animnyam katale nyameɛso, yeɛ ye nwo ayɛyelɛ yili aseɛ so tɛkyɛ.

Numeri 14:21

Nakoso, kyɛ nde ase ye, ɔne kyɛ AWURADE animnyam koyi aseɛ ye aso amukoraa tɛkyɛɛ ye,