Edwein 57:2 - AHYERƐLƐ KRONGRON

² Mesu mefrɛ Anwuro Anwuro Nyameɛ, Nyameɛ bɔ ɔma ye nhyehyɛleɛ ba nu ma me ne.

Edwein 57:2 Iomraidhean Croise

Edwein 138:8

AWURADE kɔma bɔ wahyehyɛ wafa me nwo ne kɔwa nu; ao AWURADE, wɔ ɔdɔ bɔ onni ngasi ne, ɔwɔ berɛ afebɔɔ: nnɛpo wɔ sa noa nnwumaa.

Edwein 143:9

Ao AWURADE, pepɛ de me fi me pɔfoɛ mɔ sa nu; wɔ berɛ yeɛ menwati mebabɔ me nwo adwaa ɔ.

Edwein 17:8

Bɔ me nwo waen kyɛ sona nye kyiremvua; fa me fea wɔ ndaa ne abo fɔnwoo ne anu.

Edwein 41:5

Me pɔfoɛ mɔ bele adwene tɛɛ bɛkekã me nwo dwirɛ kyɛ, “Kyinzu yeɛ okowu ma ye dumaa boso konunu ɔ?”

Edwein 56:2

mmerɛ biala, me pɔfoɛ mɔ bɛpena me beku me; na mmeni pee bɛyɛ anwomasoɛ bɛko betia me.

Yesaya 26:12

O AWURADE, wɔ yeɛ ahyehyɛ asomdwee ama yɛ ɔ, na bɔ yɛkora ye yɔ amukoraa, wɔ yeɛ ɛyɔ ma yɛ ɔ.

Yesaya 26:20

Me maen, bra, baawura wɔ pumbu mɔ nu, ná toto wɔ nwo anoa nu; fa wɔ nwo fea kãa kɔpem kyɛ ahonehulɛ ne kɔtɔ nzue nu ɔ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Filipifoɛ 1:6

na mede medi kyɛ, ye bɔ ɔhyɛle adwuma paa bo wɔ ɛmɔ nu ne, ɔkɔhɔ so kɔyɔ koyie maa okoodwu Yesu Kristo kyẽa ne.

Filipifoɛ 2:12

Yiti mmiɛngo paa mɔ, kyɛbɔ ɛmɔyɛ sotie daa ne, nna kyɛ mmerɛ bɔ me ne ɛmɔ yɛwɔ berɛ ne angome, na mmom afei bɔ nne ɛmɔ berɛ ye de po, ɔtra so; ɛ́mɔfa esuronyi ne anwowosowolɛ béli ɛmɔ bɔbɔ ɛmɔ ngoalelɛ nwo dwumaa ma oli mu,

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.