Edwein 57:1 - AHYERƐLƐ KRONGRON

¹ Nwu me anwumvoin, ao Nyameɛ, nwu me anwumvoin, ofikyɛ wɔ nu yeɛ me kra nwati bafea ɔ; wɔ ndaa ne abo fɔnwoo ne anu yeɛ menwati mebafea ɔ, kɔpem kyɛ asetena nu mvrama piri ne abo kɔpɛ nu kɔhɔ ɔ.

Edwein 57:1 Iomraidhean Croise

Edwein 125:1

Bɛ bɔ bɛfa bɛ wora bewura AWURADE nu ne, bɛte kyɛ Sion bokaa bɔ ɔnwoso, ná mmom otimu berɛ daa ne.

Edwein 13:5

Na me de, mafa me nwo mato wɔ ɔdɔ bɔ onni ngasi ne aso; na wɔ ngoalelɛ ne, ngoli ahurusi wɔ nu.

Edwein 142:1

Metea nu mesu mefrɛ AWURADE; metea nu mefa m’abisadeɛ meto AWURADE nyunu.

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 36:7

Ao Nyameɛ, wɔ ɔdɔ bɔ onni ngasi ne, kyɛbɔ ye nwo osi le mvasoɛ ɔ! Na adasa mmaa bɛnwati bɛbafea wɔ ndaa ne abo fɔnwoo ne anu.

Edwein 56:1

Ao Nyameɛ, nwu me anwumvoin, ofikyɛ mmenia bɛpena me beku me. Mmerɛ biala me pɔfoɛ mɔ tane me nye,

Edwein 58:1

Ɛmɔ, tumifoɛ mɔ, edwirɛ bɔ ɛmɔka ne, aso ɔtengyɛ? Ao kuro mmenia, aso ɛmɔbua ndɛen turoloo?

Edwein 59:1

Ao me Nyameɛ, pepɛ de me fi me pɔfoɛ mɔ sa nu, na bɛ bɔ bedwɔso betia me ne, bɔ me nwo waen fi bɛ sa nu.

Edwein 61:4

Ngɔtena wɔ tena sua ne anu afebɔɔ, ná manya afealeɛ wɔ wɔ ndaa bo fɔnwoo ne abo. Sela

Edwein 63:7

ofikyɛ wɔ yeɛ ɛte me bokafoɛ ɔ, na wɔ ndaa ne abo fɔnwoo ne anu yeɛ medi ahurusi ɔ.

Edwein 75:1

Yɛda wɔ ase, ao Nyameɛ, yɛda wɔ ase; wɔ dumaa pingye. Wɔ sa noa nnwumaa nwanwa ne, mmenia bɔ ye nwo dawure.

Edwein 9:10

Na bɛ bɔ bɛse wɔ dumaa ne, bɛfa bɛ wora bewura wɔ nu, ofikyɛ wɔ, ao AWURADE, bɛ bɔ bɛpena wɔ si atee ne, anye wɔ sa amvi bɛ bo.

Edwein 91:1

Sona bɔ ɔtena Anwuro Anwuroniɛ n’afealeɛ nu, bɔ yeɛ ɔtena Tuminiɛ ne, ye fɔnwoo ne anu ne,

Edwein 91:4

Ɔkɔfa ye ndɛkra kɔkata wɔ so, na ye ndaa ne abo yeɛ ekonya afealeɛ ɔ; ye nahorɛlilɛ ne te akokyɛm ne buralɛ ataadeɛ.

Edwein 91:9

Ɔnate kyɛ afa AWURADE ayɛ w’afealeɛ, ná afa Anwuro Anwuroniɛ ne ayɛ w’atenaleɛ ne ati,

Yesaya 10:25

Ɔngɔhyɛ biala, ɛyaafɛlɛ ne bo kɔpɛ, na m’ahone kohu bɛ so kohũhũ bɛ.

Yesaya 26:20

Me maen, bra, baawura wɔ pumbu mɔ nu, ná toto wɔ nwo anoa nu; fa wɔ nwo fea kãa kɔpem kyɛ ahonehulɛ ne kɔtɔ nzue nu ɔ.

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Mateo 24:22

Na sɛ bande sɔ ngyẽa ne aso a, ahaa bengole sona biala ngoa; nakoso ɔnate bɛ bɔ baneanea nu baye bɛ ne ati, bɛkɔte sɔ ngyẽa ne aso.

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Yohane 16:20

Nahorɛ nu paa, mekã mekyire ɛmɔ kyɛ: Ɛmɔkosu ná ɛmɔabɔ awuye, nakoso wiase koli ahurusi; na ɛmɔ de, ɛmɔ wora kɔbɔ, nakoso ɛmɔ aworabɔlɛ ne kɔkakyi ahurusililɛ.

Deuteronomi 9:26

Na nzrɛle AWURADE kyɛ, ‘O AWURADE Nyameɛ, nnɛkuku wɔ mmenia bɔ bɛte wɔ nnehyeɛ bɔ ɛnate wɔ tumi so elele bɛ ne, bɔ ɛnate w’abasa nu serɛ so ɛyele bɛ fili Misraim wale ne.

Nyekyire 21:4

Okokyikyi bɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.

Rutu 2:12

Bɔ ayɔ ye, mesrɛ kyɛ AWURADE ɔma wɔ ye nwo akatuaa. AWURADE Yisrael Nyameɛ, bɔ aabɔ wɔ nwo adwaa wɔ ye ndaa bo ne, mesrɛ kyɛ ɔma wɔ akatuaa mmorosoɛ.”

1 Samuel 22:1

Dawide fili Gate, na ɔnwatili ɔɔfeale nyɔboɛ bɔ wasi sua wɔ Adulam ne anu. Na oliɛma mɔ ne ye baba abusuafoɛ tele sɔ dwirɛ nen, bɛɛtoale ye wɔ berɛ.

1 Samuel 24:3

Sɔɔlo oodwuli mmoaennduin biemɔ anwo wɔ atee ne noa. Né nyɔboɛ bie asi sua wɔ berɛ, na owurale nu kyɛ ɔkɔ bakaa so. Nyɔbotaen bɔ wasi sua ne, né Dawide ne ye mmenia nemɔ baawurawura ye kunu dɔ paa.

1 Samuel 24:4

Na Dawide mmenia nemɔ sele ye kyɛ, “Ɛnɛ kyẽa ye yeɛ AWURADE hane ye nwo dwirɛ hyirele wɔ kyɛ, ‘Ngɔfa wɔ pɔfoɛ ngowura wɔ sa maa ɛkɔfa bɔ ekuro biala kɔyɛ ye.’ ” Na Dawide yɛle kudɛɛ ɔɔpɛle Sɔɔlo ataadeɛ tendenn ne noa.

1 Samuel 24:8

Ye si ye, Dawide koso fili nyɔboɛ bɔ wasi sua ne anu fitele, na ɔtole Sɔɔlo huuu kyɛ, “Nana, me mene ee!” Sɔɔlo pɛle ye nye neane nziɛ, na Dawide fale ye nyunu butuli berɛ anidie nu.

1 Samuel 26:9

Nakoso Dawide sele Abisae kyɛ, “Nnɛku ye! Nwa yeɛ ɔkɔhora kɔfa ye sa kɔha sona bɔ AWURADE apopa ye ngoo, bɔ ongoli fɔ ɔ?”