Edwein 53:6 - AHYERƐLƐ KRONGRON

⁶ Ao, ahaa né Yisrael ngoalelɛ wafi Sion wawa! Na sɛ Nyameɛ ma ye maen bɛ sa kã b’agyapadeɛ bieku a, Yakob koli ahurusi, na Yisrael nye kɔgye.

Edwein 53:6 Iomraidhean Croise

Ɛsra 3:11

Bɛtole AWURADE nwo ayɛyelɛ ne asennaa dwein fɛfɛɛfɛ kyɛ, “Nyameɛ te paa, ofikyɛ ye ɔdɔ bɔ onni ngasi ne, ɔwɔ berɛ daa ma Yisrael.” Na maen ne amukoraa bɛbɔle ese besurole so bɛyele AWURADE ayɛ, ofikyɛ né bahyɛ ye bo bato AWURADE awuro fapem ne.

Nehemia 12:43

Sɔ kyẽa ne, bɛbɔle afɔleɛ mbiri mbiri belili ahurusi, ofikyɛ Nyameɛ maa bele anigye belili ahurusi. Mmrasua mbanyi nemɔ bɛ ne ngwadaa nemɔ koso bɛgyele bɛ nye. Anigye bɔ bɛgyele wɔ Yerusalem ne, né bɛte ye dedeede.

YOB NWOMAA NE 42:10

Yob bɔle mbaeɛ mane ye damvo nemɔ yiele nen, AWURADE maa osa sili ye gya nu bieku. Bɔ né Yob ole ye daa ne amukoraa, AWURADE fale ye mmɔhoɛ nyɔ mane ye.

Edwein 14:7

Ao, ahaa né Yisrael ngoalelɛ wafi Sion wawa! Mmerɛ bɔ AWURADE kosa kɔfa ye maen agyapadeɛ kɔma ye ne, Yakob koli ahurusi; Yisrael nye kɔgye.

Edwein 50:2

Sion bɔ ye anwonyemene di mu ne, Nyameɛ ta hyireinn fi berɛ.

Edwein 85:1

AWURADE, ɛlole wɔ maen; ɛfale Yakob fili nnurehyelɛ nu sa wale.

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 14:32

Ɛbɔfoɛ mɔ bɔ befi sɔ maen ne aso ne, nzikyɛ mmuayɛɛ yeɛ bɛkɔfa bɛkɔma bɛ ɔ? Yɛkobua kyɛ, ‘AWURADE akyekye Sion, na ye maen ne anu mmenia bɔ bɛyɛ anwumvo ne, bɛkɔbɔ bɛ nwo adwaa wɔ nu.’

Yeremia 30:18

“Bɔ AWURADE kã ɛhe: Tie, ngɔfa Yakob ɛtena sua mɔ ngosa ngofi nnurehyelɛ nu ngɔwa, na ngonwu ye atenaleɛ nemɔ anwumvoin. Bekosa bɛkɔkyekye kuro ne wɔ ye boso, ná bagyina ahemvie ne wɔ nekaa bɔ né ogyi daa ne.

Yeremia 31:23

Asafo AWURADE, Yisrael Nyameɛ nwa nyoo, “Sɛ mesa mefa b’agyapadeɛ mewura bɛ sa a, bekosa bɛkɔhã sɔ dwirɛ ne wɔ Yuda aseɛ so ne ye nguro mɔ so kyɛ, ‘Ao tenenee atenaleɛ, ao bokaa krongron, AWURADE oyira wɔ!’

Yoel 3:1

Yiti tie, sɔ ngyẽa nemɔ anu ne sɔ mmerɛ ne anu, bɔ ngosa ngɔfa Yuda ne Yerusalem ngofi nnurehyelɛ nu ngɔwa ne,

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Lewitikɔso 26:36

Na ɛmɔ nu mmenia bɔ bekonya bɛ ti bekodidi nu ne, ngɔfa ahunundetelɛ ngɔto bɛ so wɔ bɛ pɔfoɛ mɔ aseɛ nemɔ aso. Nyaa bɔ mvrama bɔ ye ne, ye nwo dede po kɔmaa bɛkɔnwati, bɛkɔnwati kyɛ ebie bɔ ɔnwati fi ngrandɛ noa ɔ, na bekofifi ase wɔ aberɛ bɔ ebiala mvoa bɛ ɔ.

Amose 9:14

Ngosa ngɔfa me maen Yisrael ngofi nnurehyelɛ nu ngɔwa, na bekosa bɛkɔkyekye kurofoen nemɔ bɛkɔtenatena so, bɛkɔyɛ bobe boo mɔ bɛkɔno bobe nzaa, na bɛkɔyɛ turo mɔ bekoli nu mmakaammaa ne.