Edwein 53:5 - AHYERƐLƐ KRONGRON

⁵ Berɛ yeɛ esuronyi kandinga kɔtɔ bɛ so ɔ, esuronyi bɔ ebie ɔhhane bɛ le ɔ. Ofikyɛ bɛ bɔ bɛko betia wɔ ne, Nyameɛ kɔto bɛ mmowue kɔpete, ɛkɔma bɛ nyunu kogua ase, ofikyɛ Nyameɛ aye ye sa wafi bɛ bo.

Edwein 53:5 Iomraidhean Croise

YOB NWOMAA NE 15:21

Ahunundetelɛ ma ye so anu ndɔ ye, na ye asomdwee mmerɛ nu po, sɛkyefoɛ ne ba ye so.

Edwein 14:5

Berɛ, ahunundetelɛ kandinga kɔtɔ bɛ so, ofikyɛ Nyameɛ gyi teneneefoɛ aworɛ ndoatoasoɛ bɛ si.

Edwein 141:7

Kyɛbɔ bebubu nyɔbotaen nu bɛto bɛpete aseɛnwo ne, sɔ ala yeɛ bapete yɛ mmowue bagua ɛborɔ kumaa noa ɔ.

Edwein 2:4

Bɔ ɔte nyameɛso ne, ɔsere; bɛ nwo yɛ AWURADE sere.

Edwein 35:26

Bɛ bɔ bedi ahurusi wɔ m’anwokyere mmerɛ nu ne, ma bɛ mukoraa bɛ nyunu ogua ase, ná bɛfɛre; bɛ bɔ bɛmoma bɛ bati so bekyire me ne, maa bɛfa animguaseɛ ne nyanzoen bɛhera.

Edwein 35:4

Bɛ bɔ bɛpena me beku me ne, maa bɛ nyunu ogua ase, ná bɛfɛre. Bɛ bɔ bɛbɔ me nwo porɛ ne, maa bɛfa animguaseɛ besa bɛ si bɛhɔ.

Edwein 40:14

Bɛ bɔ bɛpena kyɛ bede me ngoa befi me sa nu ne, ma bɛ nyunu ogua ase, ná bɛfɛre; bɛ bɔ bɛpena me ne tɛɛ ne, foa bɛ maa besa bɛ si, ná bɛ nyunu ogua ase.

Edwein 73:20

Sɛ sona da dwɔso a, bɛte kyɛ laleɛ bie, yeɛ wɔ AWURADE koso, sɛ ɛkekã wɔ nwo a, ebu bɛ kyɛ laleɛ bie.

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Yeremia 49:15

Ofikyɛ tie, ngɔmaa ɛkɔyɛ kãa wɔ maen maen mɔ nu bɔ bebu wɔ animtia wɔ mmenia nu ɔ.

Yeremia 6:30

Bɛfrɛ bɛ ‘Kɔɔbere Bɔ Bapo Ye Ɔ’, ofikyɛ AWURADE apo bɛ.”

Awuye 2:6

Ole anyeborolɛ ɔsɛkyele ye ɛtena sua kyɛ ɔsɛkye eboo ɔ. Wasɛkye ye nekaa mɔ bɔ beyia nu ne; AWURADE ama bɛ wora afi, aluolue ne afofingyẽa nemɔ wɔ Sion, na ye ahone bɔ wahu ne, wabu ɛhene ne ɔsɔfo animtia.

Hesekiel 6:5

Ngɔfa Yisraelfoɛ bɛ fuin nemɔ ngogua bɛ mmosoen nemɔ anyunu, ná mato ɛmɔ mmowue mapete ɛmɔ afɔleɛ mmokyea nemɔ anwo mabra mayia.

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Lewitikɔso 26:36

Na ɛmɔ nu mmenia bɔ bekonya bɛ ti bekodidi nu ne, ngɔfa ahunundetelɛ ngɔto bɛ so wɔ bɛ pɔfoɛ mɔ aseɛ nemɔ aso. Nyaa bɔ mvrama bɔ ye ne, ye nwo dede po kɔmaa bɛkɔnwati, bɛkɔnwati kyɛ ebie bɔ ɔnwati fi ngrandɛ noa ɔ, na bekofifi ase wɔ aberɛ bɔ ebiala mvoa bɛ ɔ.

1 Samuel 14:15

Ahunundetelɛ tɔlɛ ɛlɔen ne amukoraa so wɔ asikyeleɛ ne anu, ɔne eburo. Ahunundetelɛ tɔle koɛhonɛfoɛ nemɔ ne bɛ bɔ bɛbɔ apaa ne aso, aseɛ wosole, na ɛserɛ piri paa hane bɛ.