Edwein 53:3 - AHYERƐLƐ KRONGRON

³ Bɛ mukoraa bali makyebu, bɛ mukoraa adwene paa ɔnne bɛ ti anu, bɛ nu biala nne berɛ bɔ ɔyɔ bɔ ɔte paa ɔ; daabi, ko po nne berɛ.

Edwein 53:3 Iomraidhean Croise

2 Samuel 20:2

Yiti Yisraelfoɛ amukoraa yakyili Dawide si lilɛ beelili Bikri awa Hyeba si. Nakoso Yudafoɛ de, begyinane bɛ hene ne asi fite asue Yɔɔdan noa beedwuli Yerusalem.

YOB NWOMAA NE 15:16

Né nzaade busueniɛ bɔ ye suban aporɔ, bɔ wafa amumuyɛɛ wayɛ ye nzue ne, ogyi ye sɛ!

Edwein 14:3

Nakoso bɛ mukoraa bali makyebu, bɛ mukoraa adwene paa ɔnne bɛ ti anu; bɛ nu biala nne berɛ bɔ ɔyɔ bɔ ɔte paa ɔ, daabi, ko po nne berɛ.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Yesaya 64:6

Yɛ mukoraa yayɛ kyɛ nikyee bɔ ye nwo nde ɔ, na yɛ tenenee amukoraa ɔte kyɛ ndangurɛ fiɛ; yɛ mukoraa yɛkese kyɛ nyaa, na yɛ amumuyɛɛ pia yɛ kɔ kyɛ mvrama.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Sefania 1:6

yeɛ bɛ bɔ bayakyi AWURADE sililɛ, bɛ bɔ bɛmbena AWURADE si atee bɔ bɛmva bɛ dwirɛ bɛndo ye nyunu ɔ.”

Romanfoɛ 3:12

Bɛ mukoraa bali makyebu; bɛ nu biala nwo olle mvasoɛ, ebiala nne berɛ bɔ ɔyɔ paa ɔ, ko po nne berɛ.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

1 Yohane 2:29

Na sɛ ɛmɔse kyɛ ɔte teneneeniɛ a, nzaade ɛmɔse kyɛ ebiala bɔ ɔyɔ bɔ ɔtengyɛ ne te Nyameɛ awa.

3 Yohane 1:11

Aliɛmaa, nnɛdi tɛɛ si na mmom di paa si. Sona biala bɔ ɔyɔ paa ne te Nyameɛ deɛ, na sona bɔ ɔyɔ tɛɛ ne, onnwuni Nyameɛ.

Nyekyire 22:11

Bɔ ɔndengyɛ ne, ɔhɔ so yɛ sona bɔ ɔndengyɛ ɔ; yeɛ bɔ ye nwo nde ne, ɔhɔ so yɛ sona bɔ ye nwo nde ɔ. Bɔ ɔtengyɛ ne, ɔhɔ so yɛ sona bɔ ɔtengyɛ ɔ, yeɛ bɔ ɔte krongron ne, ɔhɔ so yɛ sona bɔ ɔte krongron ɔ.”