Edwein 52:3 - AHYERƐLƐ KRONGRON

³ Wɔ nye gye bɔne nwo tra paa, yeɛ ekuro anoanupɛlɛ tra nahorɛhanɛ. Sela

Edwein 52:3 Iomraidhean Croise

Edwein 62:4

Bɛ botaeɛ ala ole kyɛ bekotu ye bekofi bia so ɔ. Bɛ nye gye ngondombo nwo; bɛfa bɛ noa beyira sona, nakoso bɛ ti anu de, bɛnoma ye. Sela

Anyandera 21:10

Amumuyɛɛniɛ, ye kra gye aleɛ ole bɔne, na onnwu ye mmango anwumvoin.

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

Yeremia 9:8

Bɛ temverema te kyɛ agyaen bɔ odi awue ɔ; ɔkã ngondombo dwirɛ. Bɛkekã asomdwee dwirɛ bekyirekyire bɛ mmango mɔ, nakoso bɛ ti anu de, bɛbɔ porɛ kyɛ bɛkɔtetɛ bɛ ɔ.

Mika 3:2

Nakoso ɛmɔ yeɛ ɛmɔkyi paa, ná ɛmɔkuro bɔne ɔ, ɛmɔwɔngye me maen bɛ nwo wereɛ, ɔne bɛ nwonaen fi bɛ mmowue nwo ɔ;

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Romanfoɛ 1:25

Ofikyɛ nahorɛ bɔ ɔfa Nyameɛ nwo ne bɛfa bɛsesane ngondombo. Bɛsɔnene na bɛsole abɔdeɛ, na bɛyakyili Ɛdangama Nyameɛ bɔ saleɛ te ye deɛ afebɔɔ ne! Amen.

2 Timoteo 3:4

bɛ bɔ bɛye bɛ mmango mɔ bɛma, asobrakyeɛfoɛ, bekoli bɛ ti piri, ná bahuro anigye batra Nyameɛ;

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.