Edwein 51:8 - AHYERƐLƐ KRONGRON

⁸ Maa nde ahurusi ne anigye dwirɛ, mmowue bɔ agorɔgorɔ bɛ ne, maa beli ahurusi.

Edwein 51:8 Iomraidhean Croise

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

Edwein 13:5

Na me de, mafa me nwo mato wɔ ɔdɔ bɔ onni ngasi ne aso; na wɔ ngoalelɛ ne, ngoli ahurusi wɔ nu.

Edwein 30:11

Ama m’aworabɔlɛlilɛ wakakyi ahurusililɛ; aye me nwo ɛsɛen tena ne agua berɛ, na afa anigye ahera me,

Edwein 35:10

Me mmowue amukoraa kɔhã kyɛ, “Ao AWURADE, nwa yeɛ ɔte kyɛ wɔ ɔ? Wɔ bɔ ɛpepɛ de sona bɔ ɔyɛ anwumvo fi ebie bɔ ɔkora ye ɔ sa nu ɔ; wɔ bɔ ede sona bɔ ɔyɛ anwumvo ne ehianiɛ fi ebie bɔ osisi ye ɔ sa nu ɔ.”

Edwein 38:3

Ɔnate wɔ yaa bɔ afɛ ne ati, me nwo ndɔ me wɔ me wereɛ nu; ɔnate me bɔne ti, me mmowue nu we me.

Yesaya 35:10

Bɛ bɔ AWURADE apɔ bɛ wafi ngoaasolɛ nu ne, bekosa bɛkɔwa, bɛkɔfa edweintolɛ yeɛ bɛkɔwa Sion ɔ, bekonya anigye bɔ olle ayieleɛ ɔ, bɛ nye kɔgye, bekoli ahurusi, na aworabɔlɛ ne yealɛlilɛ kotu komini.

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Mateo 5:4

“Bɛ bɔ bɛ wora abɔ ne banya saleɛ, ofikyɛ bɛ yeɛ bɛkɔkyekye bɛ wora ɔ.

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,