Edwein 51:4 - AHYERƐLƐ KRONGRON

⁴ Wɔ ngome, wɔ ngome twe, yeɛ mayɔ bɔne matia wɔ ɔ, na mayɔ bɔ ɔte bɔne wɔ wɔ nyunu ɔ. Yiti sɛ ebua me fɔ a, ɔte turoloo, na sɛ ebua me ndɛen a, edi be.

Edwein 51:4 Iomraidhean Croise

Gyenesise 20:6

Na Nyameɛ buale ye wɔ laleɛ ne anu kyɛ, “Yoo, mese kyɛ wɔ ti anu te fufue wɔ edwirɛ he anwo. Me yeɛ ndwene wɔ nzale bɔ mamma anyɔ bɔne andia me ɔ; na ɛhe ati yeɛ mamma amva wɔ nwo anga ye ɔ.

Gyenesise 38:7

Nakoso Ɛre, bɔ ɔte Yuda bamuɛbaa ne yɔle AWURADE nyunu amumuyɛɛ, na AWURADE huni ye.

Gyenesise 39:9

Awuro wa de, ebiala nni mu ndra me, yeɛ ɔmva hwee mmɔ me aheɛ, sana wɔ ngome, ofikyɛ ɔye ole wɔ. Nzu ati yeɛ nyɔ sɔ amumuyɛɛ piri ye na nyɔ bɔne ndia Nyameɛ ɔ?”

Gyenesise 9:6

Sona biala bɔ ɔkɔha obiɛngo mogya kogua ne, ye wora sona yeɛ ɔkɔha ye mogya kogua ɔ, ofikyɛ Nyameɛ sɛso yeɛ ɔyɔle sona ɔ.

2 Ahemvo 17:17

Bɛfale bɛ mma mmienzua ne bɛ mma mmrasua bɛbɔle afɔleɛ wɔ see nu. Bɛyele ngonyaa na bɛhɔle abisa. Na betuli bɛ nwo besiele berɛ bɛyɔle bɔ ɔte bɔne wɔ AWURADE nyunu ɔ bɛfa bewurale ye apue maa ɔfɛle yaa.

2 Ahemvo 21:6

Ɔfale ɔwa bienzua bɔle afɔleɛ wɔ see nu. Ɔhɔle abisa, ɔyele ngonyaa, na ɔfale ye nwo bɔle nzamangɔmhyɛlɛfoɛ ne abayifoɛ. Ɔyɔle bɔ ɔte bɔne pee wɔ AWURADE nyunu fa huli AWURADE ahone.

Edwein 50:4

Ɔfrɛ nyameɛso bɔ ɔwɔ anwuro, ɔne aseɛ, kyɛ bɛɛnea kyɛ obua ye maen ndɛen ɔ.

Edwein 50:6

Ewienu bɔ ye tenenee nwo dawure, ofikyɛ Nyameɛ bɔbɔ te ndɛenbualɛniɛ. Sela

Yesaya 43:25

“Me, me ole bɔ ɔnate me bɔbɔ me ti mekyikyi wɔ mmeraatolɛ ɔ, na mengɔkaye wɔ bɔne.

Lewitikɔso 5:19

Ɔte foɛlilɛ afɔleɛ; odi fɔ wɔ AWURADE nyunu.”

Luka 15:21

Na ɔwa ne sele ye kyɛ, ‘Baba, mayɔ nyameɛso ne wɔ nyunu bɔne, na memvata kyɛ ɛkɔfrɛ me ɛwa ko ɔ.’

Luka 7:29

(Na mmenia amukoraa bɔ bɛtele sɔ dwirɛ nen, bɛ ne ɛtoɔdidelɛfoɛ belele Nyameɛ bɛtole nu kyɛ ye dwirɛ te nahorɛ, na bɛmaa bɛbɔle bɛ Yohane asubɔlɛ ne bie.

Asomafoɛ 17:31

ofikyɛ watu kyẽa ko bie wasie berɛ, bɔ ɔkɔfa sona bie bɔ waneanea nu waye ye ɔ so kobua ewiase amukoraa ndɛen tenenee nu ɔ. Na wali ɛhe nwo adanzeɛ wahyire wɔ etingyɛlɛ bɔ otingyele ye fili awufoɛ nu ne, kyɛ mmenia amukoraa bele ye beli.”

Romanfoɛ 2:5

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?

Romanfoɛ 3:4

Dabida! Ɔwɔ nu kyɛ kuro sona biala te ngondomboniɛ de, nakoso Nyameɛ de ɔtte sɔ, odi nahorɛ, kyɛbɔ bahyerɛ kyɛ, “Kyɛbɔ bekonwu kyɛ wɔ noa dwirɛ te nahorɛ, na sɛ bebua wɔ ndɛen a, ali be ɔ.”

Yakobo 2:11

Ofikyɛ, bɔ ɔhane kyɛ, “Nnɛsɛkye agyaa” nen, ye ala yeɛ ɔhane kyɛ, “Nnɛdi awue” ɔ. Na sɛ anzɛkye agyaa, nakoso edi awue a, né ayɛ ebie bɔ wato mmeraa ne ɔ.

Yakobo 2:9

Nakoso sɛ ɛmɔnea sona nyunu bɛyɛ nyeyemuɛ a, né ɛmɔayɔ bɔne, na mmeraa ne bua ɛmɔ ndɛen kyɛ mmeraatolɛfoɛ.

Nyekyire 16:5

Na ndele kyɛ nzue mɔ so abɔfo ne ɔkã kyɛ, “O Krongronniɛ, wɔ bɔ ɛwɔ berɛ, ná ɛwɔ berɛ fi tetetete ɔ, ɛtengyɛ, ofikyɛ sɔ yeɛ abua ndɛen ɔ.

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.