Edwein 51:16 - AHYERƐLƐ KRONGRON

¹⁶ Ofikyɛ nna afɔleɛ yeɛ wɔ nye gye ye nwo ɔ. Sɛ mebɔ naen yeralɛ afɔleɛ a, wɔ nye ngɔgye ye nwo.

Edwein 51:16 Iomraidhean Croise

2 Samuel 12:9

Nzu ati yeɛ ahwi afa AWURADE dwirɛ so aayɔ bɔ ɔte bɔne wɔ ye nyunu ɔ? Ahu Hitiniɛ Yuria, na afa ɔye agya. Amonfoɛ ngrandɛ yeɛ afa ahu ye ɔ.

Edwein 40:6

Nna ngaka afɔleɛ ne ayɛyɛdeɛ yeɛ wɔ nye gye ye nwo ɔ, na mmom ama me asoɛ bɔ ɔte dwirɛ ɔ. Nna naen yeralɛ afɔleɛ ne bɔne nwo afɔleɛ yeɛ ɛpena ɔ.

Edwein 50:8

Nna wɔ ngaka afɔleɛ ne ati yeɛ mekã wɔ nyunu ɔ; wɔ naen yeralɛ afɔleɛ ne, ɔwɔ me nyunu daa.

Edwein 51:6

Amba, ɛpena nahorɛlilɛ wɔ sona nu, yiti maa nwu nworɛ wɔ me nu mvealeɛ nu dɔ.

Edwein 71:15

Wɔ tenenee nnwumaa ne wɔ ngoalelɛ nnwumaa ne, meka bɛ a, ɔbo me ndeaseɛ so de, nakoso ngɔfa me noa ngɔbɔ bɛ nwo dawure mmerɛ biala.

Ɛksadɔso 21:14

Nakoso sɛ ebie nye la ye nwo, ná ɔlakalaka obiɛngo ku ye a, ye de twe ye fi m’afɔleɛ bokyea ne anwo ma behũ ye.

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 21:27

Bɔnefoɛ afɔleɛ te akyiwadeɛ, na sɛ ɔfa adwene tɛɛ ɔbɔ afɔleɛ ne po de a, ye de né wasram so!

Yeremia 7:27

“Yiti ɛkɔhã sɔ dwirɛ he amukoraa kohyire bɛ, nakoso bengotie wɔ dwirɛ. Ɛkɔfrɛ bɛ, nakoso bɛngɔtɛ wɔ so.

Hosea 6:6

Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.

Numeri 15:27

Sona biala bɔ wanhyɛ da ná ɔkɔyɔ bɔne ne, odi kyɛ ɔfa abɔngye beleɛ bɔ wali afoɛ ko ɔ ɔbɔ bɔne nwo afɔleɛ.

Numeri 35:31

Afei koso, kodiawuniɛ bɔ ɔfata ewue ne, onni kyɛ ɛmɔde mbata bɛfa bɛsesã ye ngoa; odi kyɛ beku kodiawuniɛ.

Deuteronomi 22:22

“Sɛ bɛkye bienzua bie kyɛ ɔne ebie aye bɛda a, odi kyɛ beku bɛ munyɔ: bienzua bɔ ɔne braa ne lale ne, yeɛ braa ne. Yiti ɔsɛ kyɛ etu bɔne ne bo fi Yisrael.

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.