Edwein 51:12 - AHYERƐLƐ KRONGRON

¹² Wɔ ngoalelɛ nu anigye ne, sa fa ma me, ná fa sotie sunzum tira me nu.

Edwein 51:12 Iomraidhean Croise

Edwein 119:133

Gyina wɔ dwirɛ so tutu me gya siesie yé, na nnɛma amumuyɛɛ biala di me so.

Edwein 13:5

Na me de, mafa me nwo mato wɔ ɔdɔ bɔ onni ngasi ne aso; na wɔ ngoalelɛ ne, ngoli ahurusi wɔ nu.

Edwein 17:5

W’atee ne ala yeɛ nnate so ɔ, yeɛ me gya koso ossotili offili so.

Edwein 19:13

Bɔne bɔ bɛboapa bɛyɔ ne, twe w’akoaa fi ye nwo. Sɔ bɔne nemɔ, nnɛmaa bedi me so, amaa ɔnate so mali be wɔ wɔ nyunu, ná manni mmeraatolɛ piri ne anwo fɔ.

Edwein 21:1

Ao AWURADE, w’anwoserɛ ne ati ɛhene ne nye gye; na wɔ ngoalelɛ ne ati, nea kyɛbɔ osi di ahurusi paa ɔ!

Edwein 24:4

Sana sona bɔ ye bra te sannwuu, ná ye ahone nu koso te, bɔ ye kra nye ngye ngondombo nwo, ná ɔnda ngondombo ndaen ɔ.

Edwein 35:9

Na afei, me kra koli ahurusi wɔ AWURADE nu, ná wama ye nwo asande ye wɔ AWURADE ngoalelɛ nu.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 49:13

O anwuro, ɛ́mɔto anigye dwein! O aseɛ, di ahurusi! O mmokaa mɔ, ɛ́mɔbɔ ese! Ofikyɛ AWURADE akyekye ye maen wora, na okonwu ye mmenia bɔ bɛyɛ anwumvo ne anwumvoin.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yeremia 10:23

Ao AWURADE, mese kyɛ kuro sona ye asetena nu dwirɛ, ɔnne ye bɔbɔ ye sa nu; kyɛ kuro sona biala ye asetena nu, olle ye nwo.

Luka 1:47

na me sunzum di ahurusi wɔ me Ngoadefoɛ Nyameɛ nu;

Romanfoɛ 14:4

Wɔ ole nwa bɔ ebua ebie akoaa ndɛen ɔ? Ye bɔbɔ ye mene yeɛ okohyire kyɛ ɔsɔ ye nye anaa ɔnzɔ ye nye ɔ. Na ɔkɔsɔ ye nye, ofikyɛ Awurade kora maa ɔsɔ ye nye.

Romanfoɛ 8:15

Ofikyɛ ɛmɔannya ngoaayɛlɛ sunzum bɔ ɔkɔmaa ɛmɔkosa bekosuro ɔ; na mmom baayɛlɛ Sunzum yeɛ ɛmɔanya ɔ, bɔ ɔmaa yɛtea nu kyɛ: “Abba! Baba!”

2 Korintofoɛ 3:17

Afei, Awurade ole Sunzum ne, na nekaa bɔ Awurade Sunzum wɔ ne, fawɔnwodi wɔ berɛ.

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,