Edwein 51:11 - AHYERƐLƐ KRONGRON

¹¹ Nnɛfoa me fi wɔ nyunu, yeɛ nnɛye wɔ krongronyɛlɛ sunzum ne fi me nu.

Edwein 51:11 Iomraidhean Croise

Gyenesise 4:14

Ɛnɛ afoa me afi aseɛ ye aso, ngɔfa me nwo ngɔfea wɔ. Ngɔyɛ kobɔniɛ bɔ nnne amandena wɔ aseɛ ye aso ɔ, na ebiala bɔ okonwu me ne, okohu me.”

Gyenesise 6:3

Na AWURADE hane kyɛ, “Me sunzum ngɔtena kuro sona nu afebɔɔ, ofikyɛ ɔte anwoɔnaen, ye afoɛ mukoraa bɔ okoli ɔ kɔyɛ ɛyaa ko ne aburanyɔ.”

2 Samuel 7:15

Nakoso me dɔ pindinn ne de, mengɔye ngofi ye so, kyɛbɔ nyele ɔdɔ ne mvili Sɔɔlo so ne. Ye yeɛ nduli ye mvili bia so mvale wɔ nziele so ɔ.

2 Ahemvo 13:23

Nakoso AWURADE lole bɛ, na onwuni bɛ anwumvoin. Ɔnate ye apam bɔ ɔne Abraham, Yisake ne Yakob yɛle ne ati, ɔpɛnene ye nye neane Yisrael. Na wangukũ bɛ, yeɛ wambɛ bɛ asue wamvi ye nyunu maa waadwu ɛnɛ.

2 Ahemvo 23:27

AWURADE hane kyɛ, “Kyɛbɔ mapɛ Yisrael asue mafi me nyunu ne, sɔ ala yeɛ ngɔpɛ Yuda koso asue ngofi me nyunu ɔ. Yerusalem kuro ye bɔ maneanea nu maye ye, ɔne awuro bɔ ngane kyɛ me dumaa kɔla so ne, mapo bɛ.”

2 Ahemvo 24:20

Nahorɛ nu, Yerusalem ne Yuda huli AWURADE ahone maa ɔnate so AWURADE pɛle bɛ asue fili ye nyunu. Na Sedekia yɛle Babilɔn hene nwo lɔen.

Edwein 43:2

Ofikyɛ wɔ yeɛ ɛte Nyameɛ bɔ menwati mebafea wɔ nu ɔ; na nzu ati yeɛ apo me e? Nzu ati yeɛ ɔnate ɛhyɛlɛ bɔ pɔfoɛ ne ɔhyɛ me so ti, odi kyɛ menate berɛ anwumvoin anwumvoin ɔ?

Edwein 71:18

Yiti menyi meyɛ aworowaa ma me ti anu yɛ gyein a, ao Nyameɛ, nnɛpo me, kɔpem kyɛ ngɔbɔ w’anwoserɛ nwo dawure ngohyire aworɛ ndoatoasoɛ he, ɔne wɔ tumi nwo dawure ngohyire ebiala bɔ ɔbaawa ɔ.

Edwein 71:9

Me nworowaa nu, nnɛyakyi me nu; sɛ menyi meyɛ mmerɛ a, nnɛpo me.

Yeremia 7:15

Na ngɔfoa ɛmɔ ngofi me nyunu, kyɛbɔ mvoane ɛmɔ aliɛma mɔ amukoraa, Efraim boso ama amukoraa ne.

Luka 11:13

Na sɛ ɛmɔ po bɔ ɛmɔte bɔnefoɛ ɔ ɛmɔse kyɛbɔ ɛmɔma ɛmɔ mma mɔ nningyein paa a, ɔkɔyɛ sɛɛ bɔ ɛmɔ Baba bɔ ɔwɔ nyameɛso ne ɔngɔfa Sunzum Krongron ngɔma bɛ bɔ bebisa ye ɔ?”

Yohane 14:26

Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.

Romanfoɛ 1:4

bɔ bafa tumi baye ye bahyire kyɛ Nyameɛ Awa, kyɛbɔ anwotelɛ Sunzum te ne, awufoɛ tingyelɛ nu, Yesu Kristo, yɛ Awurade,

Romanfoɛ 8:9

Ɛmɔ de, ɛmɔnni anwoɔnaen nhyehyɛleɛ so, na mmom Sunzum nhyehyɛleɛ so, ofikyɛ Nyameɛ Sunzum te ɛmɔ nu. Na ebiala bɔ olle Kristo Sunzum ne, ɔtte Kristo deɛ.

Ɛfesofoɛ 4:30

Nyameɛ Sunzum Krongron bɔ bafa bahyɛ ɛmɔ nzorɛ bama ngoalelɛ kyẽa ne, nnɛma ɛmɔbɔ ye wora.

2 Tɛsalonika 1:9

Ɔkɔtɔ sɔ mmenia nemɔ so wereɛ kɔsɛkye bɛ pasapasa afebɔɔ, ná afei wahwe bɛ wafi Awurade nyunu ne ye animnyam tumi nwo.

Maenbulɛfoɛ 13:25

AWURADE Sunzum hyɛle ye bo kanyane ye wɔ Mahane Dan bɔ ɔwɔ Sora ne Esetao b’afia ne.

Maenbulɛfoɛ 15:14

Samson oodwuli Lehi ne, Filistifoɛ bɔle ese beeyiale ye. AWURADE Sunzum wale ye so, na nyamaa bɔ ogua ye sa ne yɛle kyɛ gyese bɔ see atɔ nu ɔ, na nyamaa ne sangye fili ye sa.

Maenbulɛfoɛ 16:20

Na afei Delila sele kyɛ, “Samson, Filistifoɛ nemɔ awa wɔ so oo!” Yeɛ Samson fili nnaa nu dwɔsole, na ɔyɛle ye adwene kyɛ, “Ngofite ná mawoso me nwo male me nwo kyɛbɔ meyɔ ye daa ne.” Nakoso né Samson nze kyɛ AWURADE aye ye sa ye bo ɔ.

1 Samuel 10:10

Na befili berɛ beedwuli Gibea nen, ngɔmhyɛlɛfoɛ kure wale beeyiale ye, na Nyameɛ sunzum wale ye so, na ɔhyɛle ye bo ɔne bɛ bɔle nu hyɛle ngɔm.

1 Samuel 16:14

AWURADE Sunzum hwene ye nwo fili Sɔɔlo nwo, na AWURADE somane sunzum tɛɛ bie maa ɔɔteetee ye.