Edwein 51:10 - AHYERƐLƐ KRONGRON

¹⁰ Ao Nyameɛ, bɔ ahone bɔ nu te ɔ wura me nu, ná fa sunzum bɔ ɔtengyɛ ɔ wura me nu.

Edwein 51:10 Iomraidhean Croise

Edwein 24:4

Sana sona bɔ ye bra te sannwuu, ná ye ahone nu koso te, bɔ ye kra nye ngye ngondombo nwo, ná ɔnda ngondombo ndaen ɔ.

Edwein 35:10

Me mmowue amukoraa kɔhã kyɛ, “Ao AWURADE, nwa yeɛ ɔte kyɛ wɔ ɔ? Wɔ bɔ ɛpepɛ de sona bɔ ɔyɛ anwumvo fi ebie bɔ ɔkora ye ɔ sa nu ɔ; wɔ bɔ ede sona bɔ ɔyɛ anwumvo ne ehianiɛ fi ebie bɔ osisi ye ɔ sa nu ɔ.”

Edwein 73:1

Amba, Nyameɛ te paa ma Yisrael, ɔte paa ma bɛ bɔ bɛ ti anu te fufue ɔ.

Edwein 78:37

B’ahone nu, banni nahorɛ bamma ye, banni ye apam ne anwo nahorɛ.

Edwein 78:8

Ɛhe kɔmaa bɛngɔyɛ kyɛ bɛ nana mɔ, bɔ né bɛte aworɛ ndoatoasoɛ asoserɛfoɛ bɔ bayɛ lɔen ɔ, aworɛ ndoatoasoɛ bɔ bamva bɛ nwo bando Nyameɛ so, bɔ bɛ sunzum wanni nahorɛ wamma Nyameɛ ɔ.

Anyandera 20:9

Nwa yeɛ ɔkɔhora kɔhã kyɛ, “Mate m’ahone nu sannwuu, me nwo ate afi me bɔne nwo” ɔ?

Yeremia 13:27

Manwu w’agyaasɛkyelɛ ne, wɔ ehurolɛ nu ndeateamuɛ ne, w’animguaseɛ gyandera ne, yeɛ w’akyiwadeɛ yɔleɛ wɔ eburo mmokaa nemɔ aso ne. Ao Yerusalem, wɔ yaakɔ! Ɔkwaadwu kyinzu koraka né wɔ nwo ate.

Yeremia 32:39

Ngɔma bɛ ahone ko ne atee ko, amaa ɔnate so basuro me afebɔɔ, ɔnate bɛ bɔbɔ bɛ yeeyɛlɛ, ɔne kyẽa bie bɛ mma mɔ yeeyɛlɛ ti.

Hesekiel 11:19

Na ngɔma bɛ ahone ko, ngɔfa sunzum foforɛ ngowura bɛ nu, ngɔye nyɔboɛ ahone ne ngofi bɛ nwonaen nu, na ngɔma bɛ anwoɔnaen ahone,

Hesekiel 18:31

Mmeraatolɛ amukoraa bɔ ɛmɔato ne, ɛ́mɔgyi ye mukoraa béfi ɛmɔ so bégua, ná ɛmɔnya adwene foforɛ ne sunzum foforɛ. O Yisrael awuro ama, nzu ati yeɛ odi kyɛ ɛmɔwuwu ɔ?

Hesekiel 36:37

“AWURADE Nyameɛ nwa nyoo: Asa koso, ngɔma Yisrael awuro ama bɛkɔsrɛ me maa ngɔyɔ ɛhe ngɔma bɛ: Ngɔmaa bɛkɔyɛ mmenia bɔ bata pee kyɛ mmoaen kure ɔ.

Mateo 5:8

“Bɛ bɔ bɛ ti anu te fufue ne banya saleɛ, ofikyɛ bɛ yeɛ bekonwu Nyameɛ ɔ.

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 15:9

Wangyire kyɛ nzonzoleɛ biala wɔ yɛ ne bɛ nu, na mmom ɔnate (bɛ) gyidie so fale bɛ bɔne hyɛle bɛ.

Romanfoɛ 12:2

Nnɛma ɛmɔyɛ ɛmɔ nwo kyɛ wiase he, na mmom ɛ́mɔma ɛmɔ adwene nu foforɛyɛlɛ ne ɔsakyera ɛmɔ, amaa ɔnate so ɛmɔanwu bɔ ɔte Nyameɛ apɛdeɛ ɔ, bɔ ɔte paa, ɔsɔ anyeɛ ná odi mu ɔ.

1 Korintofoɛ 15:58

Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Kolosefoɛ 3:10

na ɛmɔanya sona sue foforɛ, na ye bɔ ɔbɔle yɛ ne, ogu so ɔyɛ yɛ foforɛ ba nimdeɛ nu maa ye sɛso yɛ kyɛ ye bɔbɔ ne ala.

Tito 3:5

bɔ nna kyɛ tenenee nnwumaa bie bɔ yayɔ ti ɔ; na mmom ye bɔbɔ ye anwumvoinnwunɛ ti ɔ, na ɔfale aworɛ foforɛ ebialɛ nu ne foforɛyɛlɛ wɔ Sunzum Krongron so olele yɛ ngoa.

Yakobo 1:8

ofikyɛ sona bɔ ye adwene yɛ ye ndaa ndaa ne, ɔngora nzi ye adwene pi wɔ nikyee biala bɔ ɔyɔ nu.

Yosua 14:14

Yiti Kalebo bɔ ɔse ole Kenisiniɛ Yefune ne, Hebron ayɛ ye agyapadeɛ maa waadwu ɛnɛ, ofikyɛ olili nahorɛ turoloo mane AWURADE Yisrael Nyameɛ.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.