Edwein 50:3 - AHYERƐLƐ KRONGRON

³ Yɛ Nyameɛ ɔba, na ɔngɔyɛ konn, see bɔ ogye wuronyiwuronyi li ye nyunu, na mvrama piri apɛ ye nwo amukoraa wayia.

Edwein 50:3 Iomraidhean Croise

Edwein 48:14

kyɛ Nyameɛ he, ɔte yɛ Nyameɛ afebɔɔ. Ye yeɛ okohyire yɛ atee kɔpem kyɛ ewue kɔfa yɛ ɔ.

Edwein 50:21

Ɛyɔle sɔ nningyein nemɔ bɔ mandɛ wɔ so ne ati, ɛdwene kyɛ nde kyɛ wɔ ala. Na afei de, mekã wɔ nyunu ná mebɔ wɔ kwaadu.

Edwein 68:20

Yɛ Nyameɛ ne ɔte ngoalelɛ Nyameɛ, na Nyameɛ, bɔ ɔte AWURADE ne, ye yeɛ ɔpepɛ de sona fi ewue nu ɔ.

Edwein 83:1

Ao Nyameɛ, nnɛkã wɔ noa to nu; ao Nyameɛ, nnɛmua wɔ noa, yeɛ nnɛyɛ konn!

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Ɛksadɔso 19:18

Nwosina katale Sinai bokaa ne aso amukoraati, ofikyɛ AWURADE natele see nu dwu wale so. So nwosina ne tu hɔle anwuro kyɛ foonoo nu nwosina, na bokaa ne amukoraa wosole kikikikikiki.

Yesaya 35:4

Ɛmɔhã behyire bɛ bɔ ahunundetelɛ atɔ bɛ so ne kyɛ, “Ɛ́mɔgyina pindinn, nnɛma ɛmɔsuro! Ɛ́mɔtie, ɛmɔ Nyameɛ ɔ́ba batɔ wereɛ! Nyameɛ bɔ ɔma ɛmɔ sa kã bɔ wafi ɛmɔ sa ne, ɔbaapepɛ de ɛmɔ ngoa.”

Hesekiel 1:4

Ndole me nye nneane, na yieee, mvrama piri bie tu fili sorɔ dɔ, munungum pirikua bie bɔ kanea hyireinn apɛ ye nwo ayia ɔ, bɔ ogye see ɔ, bɔ see n’afia ne ɔte kyɛ kɔɔbere bɔ ogye monyerɛnmonyerɛn ɔ.

Daniel 7:10

See bɔ ɔsẽ kyɛ asue ɔ opu wale, opu fili ye nyunu berɛ wale, apee apee sole ye, yeɛ apee buru apee buru buburugyaa gyinagyinane ye nyunu; ndɛenbualɛ badwa ne tenane ase, na bebukyebukyele nwomaa nemɔ anu.

Lewitikɔso 10:2

See fili AWURADE berɛ ɔɔyerale bɛ ná bɛtotɔle wɔ AWURADE nyunu.

Habakuku 3:5

Né ewue anwonyerɛ li ye nyunu, na né ɛhawo nate ye gya bo.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Deuteronomi 9:3

Yiti nwu ye ɛnɛ kyẽa ye kyɛ, AWURADE wɔ Nyameɛ yeɛ oli wɔ nyunu ɔkwaapɛ asue ɔ, na ɔte see bɔ ogye wuronyiwuronyi ɔ. Okoli bɛ so ngonim, ná wabrɛ bɛ ase wɔ wɔ nyunu; amaa ɔnate so afoa bɛ afi berɛ, ná ahũhũ bɛ ndɛndɛ so, kyɛbɔ AWURADE ahyɛ wɔ bɔ ne.

Hebrifoɛ 12:29

ofikyɛ yɛ Nyameɛ ne te see bɔ ɔyera nikye ɔ.

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

Nyekyire 22:20

Bɔ odi edwirɛ hemɔ nwo adanzeɛ ne, ɔnwa, “Amba, méba ndɛndɛ!” Amen. Awurade Yesu, bra!