Edwein 50:1 - AHYERƐLƐ KRONGRON

¹ Tuminiɛ ne, Nyameɛ bɔ ɔte AWURADE ne, wadwudwo, wato ye sa wafrɛ aseɛ ye aso ama amukoraa, fi eyia afiteleɛ kɔka eyia atɔleɛ.

Edwein 50:1 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

1 Ahemvo 18:21

Yeɛ Elia wale mmenia ne amukoraa nwo berɛ, na obisale kyɛ, “Ɛmɔ adwene kɔyɛ ndaa ndaa maa okoodwu kyinzu? Sɛ AWURADE yeɛ ɔte Nyameɛ a, ye de ɛmɔso ye. Nakoso sɛ Baal ahɔ de a, ye de ye yeɛ ɛmɔso ye ɔ.” Na maen ne amma ye mmuayɛɛ.

1 Aberɛso Dwirɛ 15:17

Yiti Lewifoɛ tuli Yowel awa Heman ne ye nwoniɛ Asafe bɔ ye baba ole Berekia ne, Merari boso ama nemɔ ne bɛ nwofoɛ, yeɛ Kusaya awa Etan.

1 Aberɛso Dwirɛ 16:37

Dawide yɛle nhyehyɛleɛ mane Asafe ne ye mmango Lewifoɛ, kyɛ bɛhɔ AWURADE apam alaka ne anyunu bɛɛsɔne wɔ alaka ne anyunu daa, kyɛbɔ odi kyɛ bɛyɔ ye daa biala ɔ.

1 Aberɛso Dwirɛ 25:2

Asafe abusuafoɛ ne anu, bɛyele Sakure, Yosef, Netania ne Asarela bɔ bɛte Asafe mma mmienzua ne. Asafe bɔ ogyina ɛhene ne dwirɛ so ɔhyɛ ngɔm ne yeɛ né ɔla bɛ noa ɔ.

1 Aberɛso Dwirɛ 25:6

Edwein bɔ né bɛbɔ firikyiwa, sangoo ne adengum bɛto ye wɔ AWURADE awuro bɛfa bɛyɔ Nyameɛ awuro berɛ ɛsɔnenɛ adwuma ne, né bɛ baba nemɔ yeɛ bɛlela bɛ mukoraa bɛ noa ɔ. Asafe, Yedutun ne Heman de, né ɛhene bɔbɔ yeɛ ɔnea bɛ so ɔ.

1 Aberɛso Dwirɛ 6:24

Tahate, Yuriɛl, Yusia ne Sɔɔlo.

2 Aberɛso Dwirɛ 29:30

Nana Hesekia ne ye mbanyi nemɔ, bɛfale ahyɛdeɛ mane Lewifoɛ ne kyɛ, edwein bɔ Dawide ne Asafe bɔ ɔse ase ne bahyehyɛ bato berɛ ne, bɛ́to bɛ́ye AWURADE ayɛ’.” Bele anigye bɛtole ayɛyelɛ dwein, na bɛbɔle bɛ nu ase bɛsɔnene Nyameɛ.

Nehemia 9:32

“Yiti afei, yɛ Nyameɛ bɔ ɛte piri bɔ wɔ nwo yɛ suro, bɔ edi apam so ná ekyire ɔdɔ bɔ onni ngasi ɔ, amaneɛ amukoraa bɔ wato yɛ ne y’ahemvo, yɛ mbanyi mɔ, y’asɔfo mɔ, yɛ ngɔmhyɛlɛfoɛ, yɛ nana mɔ, ɔne wɔ mmenia amukoraa, ofi Asiria ahemvo mɔ aberɛ so bɔ ɔbaadwu ɛnɛ ye, nnebu ye nikyee ba.

Nehemia 9:6

Na Ɛsra sele kyɛ, “Wɔ ngome yeɛ ɛte AWURADE ɔ. Wɔ yeɛ abɔ nyameɛso, nyameɛso bɔ ɔwɔ anwuro ne nu abɔdeɛ amukoraa; aseɛ ɔne so nningyein amukoraa; ɛpo ne nu nningyein amukoraa. Ɛma bɛ mukoraa ngoa, na nyameɛso abɔdeɛ amukoraa bɛsɔne wɔ.

Edwein 113:3

Ofi eyia ye fitelɛ kodwu ye tɔlɛ, odi kyɛ bɛye AWURADE dumaa ayɛ.

Edwein 73:1

Amba, Nyameɛ te paa ma Yisrael, ɔte paa ma bɛ bɔ bɛ ti anu te fufue ɔ.

Edwein 74:1

Ao Nyameɛ, nzu ati yeɛ apo yɛ afebɔɔ ye? Wɔ bɔbɔ wɔ mmoaen bɔ ɛma bɛ aleɛ ne, nzu ati yeɛ afɛ yɛ so yaa kandinga ye?

Edwein 75:1

Yɛda wɔ ase, ao Nyameɛ, yɛda wɔ ase; wɔ dumaa pingye. Wɔ sa noa nnwumaa nwanwa ne, mmenia bɔ ye nwo dawure.

Edwein 76:1

Ebiala se Nyameɛ wɔ Yuda, na ye dumaa te piri wɔ Yisrael.

Edwein 77:1

Metea nu mesu mefrɛ Nyameɛ, metea nu serɛ mefrɛ Nyameɛ, kyɛbɔ ɔkɔte me sufrɛ ɔ.

Edwein 78:1

Ao me maen, ɛ́mɔtie me ngyerɛkyerɛ; ɛ́mɔyɛ asoɛ betie me noa dwirɛ!

Edwein 79:1

Ao Nyameɛ, maen maen mɔ bafa koɛ baateta w’agyapadeɛ, bafa efiɛ bahã w’asɔneyɛɛ sua krongron ne, babɔ Yerusalem kuro ne.

Edwein 80:1

Ao Yisrael Neafoɛ, yɛ asoɛ tie, wɔ bɔ eli Yosef nyunu kyɛ mmoaen kure ɔ! Wɔ bɔ ɛte kɛrubim mɔ so ɔ, ta hyireinn

Edwein 81:1

Nyameɛ bɔ ɔte y’anwoserɛ ne, ɛ́mɔtea nu bɛto ye nwo dwein; ɛ́mɔfa ahurusi bɛbɔ Yakob Nyameɛ ne nwo ese.

Edwein 82:1

Nyameɛ atena ye bia nu wɔ nyameɛso badwa ne anu, na obua nyameɛ mɔ ndɛen kyɛ,

Edwein 83:1

Ao Nyameɛ, nnɛkã wɔ noa to nu; ao Nyameɛ, nnɛmua wɔ noa, yeɛ nnɛyɛ konn!

Yesaya 1:2

O nyameɛso, ɛ́mɔtie, O aseɛ, ma wɔ so bra wa! Ofikyɛ AWURADE nwa nyoo: “Matete ngwadaa manea bɛ so maa banyi, nakoso bayɛ me nwo lɔen.

Yesaya 37:20

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ wɔ ngome twe yeɛ ɛte AWURADE ɔ.”

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yeremia 10:6

Ao AWURADE, ebiala nne berɛ bɔ ɔte kyɛ wɔ ɔ; ɛte piri, wɔ dumaa te piri, na tumi wɔ nu.

Amose 3:8

Gyata bobɔ nu, na nwa yeɛ ongosuro ɔ? AWURADE Nyameɛ adwudwo, nwa yeɛ ɔngɔhyɛ ngɔm ɔ?”

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Mateo 25:32

Na ɔkɔboaboa maen maen amukoraa noa wɔ ye nyunu. Na ɔkɔhyɛ bɛ nu kyɛbɔ mmoaenneafoɛ yeye mmoaen fi mbɔngye nu ɔ.

Yosua 22:22

“AWURADE, ɔte Ɛdangama Nyameɛ! AWURADE, ɔte Ɛdangama Nyameɛ! Ye yeɛ odi yɛ adanzeɛ ɔ, na yɛpena kyɛ Yisrael koso te ye bo. Sɛ yayɛ AWURADE nwo lɔen, anaakyɛ yanni nahorɛ yamma ye a, ye de ɛmɔhu yɛ ɛnɛ.