Edwein 5:5 - AHYERƐLƐ KRONGRON

⁵ Nduhoɛniɛ ɔngora ngyina wɔ nyunu; na ekyi bɔnefoɛ amukoraa.

Edwein 5:5 Iomraidhean Croise

Edwein 1:5

Yiti amumuyɛɛfoɛ, bengoli be wɔ ndɛenbualɛ ne anu, yeɛ teneneefoɛ nyianu koso, bɔnefoɛ bengonya berɛ bie bɛngɔhɔ;

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 11:5

AWURADE so teneneefoɛ ne bɔnefoɛ nea, nakoso ye kra kyi sona bɔ okuro basabasayɔlɛ ɔ.

Edwein 130:3

AWURADE, sɛ ɛsesẽ amumuyɛɛ a, ao Yɛ Mene, ahaa nwa yeɛ ɔkɔhora kogyina ɔ?

Edwein 14:1

Kwaseaa kã ye wɔ ti anu kyɛ, “Nyameɛ biala nne berɛ.” Olle adwene paa, na amumuyɛɛ bɔ ɔte akyiwadeɛ yeɛ ɔyɔ ɔ, ebiala nne berɛ bɔ ye bra te sannwuu ɔ.

Edwein 73:3

Ofikyɛ me nye borole mmeraatolɛfoɛ, mmerɛ bɔ nwuni bɔnefoɛ bɛ ngɔsoɛ ne.

Edwein 75:4

Sona bɔ ɔhoahoa ye nwo ne, mekã mekyire ye kyɛ, “Nnɛhoahoa wɔ nwo,” yeɛ mekã mekyire bɔnefoɛ kyɛ, “Nnɛfa wɔ tumi hoahoa wɔ nwo;

Edwein 92:6

Sona kwaseaa de, ɔnze, sona bɔ wagyimi de, ɔnde ɛhe abo:

Edwein 94:8

Ao, maen ne anu mmenia bɔ ɛmɔ adwene te nganga ɔ, odi kyɛ ɛmɔte ye bo, ngwaseafoɛ, kyinzu yeɛ ɛmɔkonwu nworɛ ɔ?

Anyandera 1:22

“Ɛmɔ bɔ ɛmɔ adwene te nganga ɔ, ɛmɔpena kyɛ ɛmɔ adwene yɛ nganga kodwu kyinzu? Ngorohoɛfoɛ nye kɔgye bɛ ngorohoɛ nwo koodwu kyinzu? Yeɛ ngwaseafoɛ kohyi nimdeɛ koodwu kyinzu?

Anyandera 1:7

AWURADE surolɛ yeɛ ɔte nimdeɛnyanɛ ye bohyɛlɛ ɔ, na ngwaseafoɛ de, bɛmva nworɛ ne ngyerɛkyerɛ bɛnyɛ huu.

Anyandera 15:9

Bɔnefoɛ mɔ atee te AWURADE akyiwadeɛ, nakoso bɛ bɔ bɛfa tenenee besie bɛ nye so de, okuro bɛ dwirɛ.

Anyandera 8:5

Ɛmɔ bɔ ɛmɔ adwene te nganga ɔ, odi kyɛ ɛmɔma ɛmɔ adwene nu bukye, ɛmɔ, ngwaseafoɛ, ɛ́mɔsua nworɛ.

Nworɛ Dwirɛhanɛniɛ 5:4

Sɛ ɛhyɛ Nyameɛ bɔ a, nnɛtwetwe wɔ gya ase wɔ ye tualɛ nwo, ofikyɛ ɔngyegye ngwaseafoɛ so. Tua bɔ ahyɛ ye nwo bɔ ne.

Hosea 9:15

Bɛ bɔne yɔleɛ amukoraa wɔ Gilgal, ofikyɛ berɛ yeɛ nhyɛle ye bo mbɔle bɛ ɔ. Ɔnate bɛ bɔne yɔleɛ ne ati, ngɔfoa bɛ ngofi m’awuro, mengohuro bɛ dwirɛ ko; b’atitire amukoraa bɛte ɛlɔenyɛlɛfoɛ.

Lewitikɔso 20:23

Maen maen bɔ mefoa bɛ mefi ɛmɔ nyunu ne, bɛ yɔleɛ nemɔ, nnɛma ɛmɔyɔ bie. Ɔnate kyɛ bɛyɔle sɔ nningyein nemɔ ati, mvɛle bɛ so yaa paa.

Habakuku 1:13

Wɔ nye te krongron paa bɔ yiti ɛngora nnea bɔne, ná ɛngora nnea amumuyɛɛ ɔ. Na nzu ati yeɛ ɛnea nnakannakafoɛ, bɔ ahã wɔ noa ato nu, wɔ mmerɛ bɔ bɔnefoɛ oku sona bɔ ɔtengyɛ tra bɔnefoɛ ne ɔ?

Sakaria 11:8

Na bosome ko anu, nnuane mmoaenneafoɛ nza nemɔ bɛ boso mvili berɛ. Bɛ nwo yɛle me kra ahi, na me koso me nwo yɛle bɛ kra tɛ.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 7:23

Na ɛhe yeɛ ngɔpakye nu ngose bɛ kyɛ, ‘Menze ɛmɔ koraa, ɛ́mɔfi me so bɛhɔ, ɛmɔ bɔ ɛmɔyɔ bɔ ɔndengyɛ ɔ!’