Edwein 5:4 - AHYERƐLƐ KRONGRON

⁴ Ofikyɛ ɛte Nyameɛ bɔ wɔ nye ngye bɔne nwo ɔ; bɔne ngora ne wɔ bɛndena.

Edwein 5:4 Iomraidhean Croise

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

Edwein 101:7

Nnakannakaniɛ biala de, ɔngɔtena m’awuro berɛ; yeɛ ngondomboniɛ biala koso, ongogyina me nyunu.

Edwein 11:5

AWURADE so teneneefoɛ ne bɔnefoɛ nea, nakoso ye kra kyi sona bɔ okuro basabasayɔlɛ ɔ.

Edwein 140:13

Amba, teneneefoɛ kɔla wɔ dumaa ase, na bɛ bɔ bɛ bra te sannwuu ne, bɛkɔtena wɔ nyunu.

Edwein 50:21

Ɛyɔle sɔ nningyein nemɔ bɔ mandɛ wɔ so ne ati, ɛdwene kyɛ nde kyɛ wɔ ala. Na afei de, mekã wɔ nyunu ná mebɔ wɔ kwaadu.

Edwein 63:2

Amba, manwu wɔ wɔ nekaa krongron berɛ, bɔ menea wɔ tumi ne w’animnyam ɔ.

Edwein 88:14

Ao AWURADE, nzu ati yeɛ apo me kra ye? Nzu ati yeɛ aye wɔ nye afea me ye?

Edwein 92:15

bɛfa bekyire kyɛ AWURADE tengyɛ; me Nyɔbotaen ɛne, na bɔ ɔndengyɛ biala ɔnne ye nu.

Edwein 94:20

Maenbulɛfoɛ atianuserɛfoɛ bɔ bɛhyɛ mmeraa bɛfa bedi bɔne ne, aso bɛkɔhora bɛ ne wɔ kotira abiɛngoɛ?

Habakuku 1:13

Wɔ nye te krongron paa bɔ yiti ɛngora nnea bɔne, ná ɛngora nnea amumuyɛɛ ɔ. Na nzu ati yeɛ ɛnea nnakannakafoɛ, bɔ ahã wɔ noa ato nu, wɔ mmerɛ bɔ bɔnefoɛ oku sona bɔ ɔtengyɛ tra bɔnefoɛ ne ɔ?

Malaki 2:17

Ɛmɔfa ɛmɔ dwirɛ bedwane AWURADE so anu. Nakoso ɛmɔnwa, “Atee beni aso yeɛ yadwane ye so anu ɔ?” Bɔ ɛmɔkã ne, ye ɛhe: “Ebiala bɔ ɔyɔ bɔne ne, ɔte paa wɔ AWURADE nyunu, na ode ye to nu.” Yeɛ ɛmɔbisa kyɛ, “Nyameɛ bɔ obua ndɛen ne, ɔwɔ nisua?”

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

2 Petro 3:13

Nakoso kyɛbɔ ye bɔhyɛ te ne, yɛ nye la nyameɛso foforɛ ne aseɛ foforɛ bɔ tenenee te nu ɔ ate.

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.