Edwein 5:11 - AHYERƐLƐ KRONGRON

¹¹ Nakoso ebiala bɔ ɔbafea wɔ nu ne de, ma ye nye gye; maa bɛfa anigye bɛto dwein daa. Bɔ bɛ nwo waen, amaa ɔnate so bɛ bɔ bɛ nye gye wɔ dumaa nwo ne, banya wɔ nu anigye.

Edwein 5:11 Iomraidhean Croise

YOB NWOMAA NE 38:7

mmerɛ bɔ ngyerɛmɔ nzramaa mɔ bɛbɔle nu bɛtole dwein, bɔ nyameɛso ama mukoraa belili ahurusi ne?

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 35:27

Bɛ bɔ bɛ kunu a ahaa babua me be ne, maa bɛbɔ ese beli ahurusi ná bɛ nye gye, ná bɛhã ye daa kyɛ, AWURADE te piri, na ye nye gye ye somvoɛ ye yeeyɛlɛ nwo.”

Edwein 40:16

Nakoso bɛ bɔ bɛpena wɔ si atee ne de, maa bɛ mukoraa beli ahurusi, ná bɛ nye gye wɔ wɔ nu; bɛ bɔ bɛ nye gye wɔ ngoalelɛ nwo ne, maa daa bɛhã kyɛ, “AWURADE te piri!”

Edwein 58:10

Teneneeniɛ nwu kyɛ batɔ bɔnefoɛ so wereɛ a, ye nye gye; okonwunzi ye gya bo wɔ bɔnefoɛ mogya nu.

Edwein 65:13

Nekaa bɔ ngaka didi nemɔ, mmoaen ayi so tɛkyɛ, bɔnza nemɔ anu, aburoo ayi bɛ nu tɛkyɛ, na bɛbɔ ese bɛto dwein bedi ahurusi.

Edwein 68:3

Nakoso teneneefoɛ de, ma bɛ nye ɔgye, maa beli ahurusi wɔ Nyameɛ nyunu; maa benya anigye mmorosoɛ.

Edwein 69:36

Ye somvoɛ mɔ, bɛ mma mɔ kɔfa berɛ bɛkɔyɛ b’agyapadeɛ, na bɛ bɔ bɛ nye gye ye dumaa nwo ne, bɛkɔtena so.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

1 Korintofoɛ 2:9

Nakoso bahyerɛ kyɛ, “Bɔ anyeɛ nnwuni ye, anaa bɔ asoɛ ɔttele ye le, anaa bɔ ebiala ɔddwenene ye nwo le ne, yeɛ ɔte nikyee bɔ Nyameɛ asiesie ama bɛ bɔ bekuro ye dwirɛ ɔ.”

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”

Maenbulɛfoɛ 5:31

Yiti AWURADE, ma wɔ pɔfoɛ amukoraa, bɛ boso ónua! Nakoso bɛ bɔ bekuro wɔ dwirɛ de, maa bɛyɛ kyɛ eyia bɔ ɔbɔ gyireingyirein ɔ.” Na asomdwee wale aseɛ ne aso afoɛ aburanna.