Edwein 5:10 - AHYERƐLƐ KRONGRON

¹⁰ Ao Nyameɛ, ma bɛ bɔne ɔbɔ bɛ ti so, na bɛ bɔbɔ bɛ ngaen bɔ basua ne, maa ɔhye bɛ. Bɛ mmeraatolɛ worawora ne ati, foa bɛ fi wɔ nyunu, ofikyɛ bayɛ wɔ nwo lɔen.

Edwein 5:10 Iomraidhean Croise

2 Samuel 15:31

Yeɛ ebie bɔle Dawide amaneɛ kyɛ, mmenia bɔ bɛ ne Absalom babɔ ye ti so porɛ ne, Ahitofel boka so. Na Dawide sele kyɛ, “AWURADE, mesrɛ wɔ, ma Ahitofel foɛtulɛ ne ɔyɛ ngwaseaa foɛtulɛ.”

2 Samuel 17:14

Yeɛ Absalom ne Yisraelfoɛ amukoraa besele kyɛ, “Akiniɛ Husae foɛ ne, ɔte paa tra Ahitofel deɛ ne.” Ofikyɛ né AWURADE ahyehyɛ kyɛ ɔkɔma Ahitofel foɛ bɔ ɔte paa ne kɔyɛ mbaen, amaa ɔnate so AWURADE aprapra amaneɛ wagua Absalom so.

2 Samuel 17:23

Na Ahitofel nwuni kyɛ bamva ye foɛ bɔ watu nen, ɔfale ye nningyein tale ye afunum si, na osili nu hɔle ye awuro wɔ ye kuro. Ɔtotole ye si yé, na afei ɔɔbɔle ye kɔme. Owuli, na besiele ye wɔ ye baba asieleɛ nu.

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

Ɛseta 7:10

Yiti bakaa bɔ Haman fa penane berɛ kyɛ bɛbaabɔ Modekae kɔme wɔ so ne, so yeɛ bɛbɔle Haman kɔme ɔ. Na afei Nana Ahasuro ahone tɔle nzue nu.

Edwein 10:15

De bɔnefoɛ ne amumuyɛɛfoɛ bɛ sa nu tumi; tua ye bɔne so kerɛ kɔpem kyɛ engonwu ko po ɔ.

Edwein 107:11

Ofikyɛ bɛyɔle Nyameɛ dwirɛ nwo lɔen, na bebuli Anwuro Anwuroniɛ ne nhyehyɛleɛ animtia.

Edwein 17:13

Ao, AWURADE, dwɔso fa koɛ toa bɛ, ná di bɛ so ngonim! Fa wɔ ngrandɛ ne pepɛ de me ngoa fi bɔnefoɛ sa nu.

Edwein 31:18

Ma ngondombofoɛ bɛtɔ mumu, bɛ bɔ bɛfa anwomasoɛ ne dwɛɛ bɛkekã edwirɛ tɛɛ betia teneneefoɛ ne.

Edwein 35:26

Bɛ bɔ bedi ahurusi wɔ m’anwokyere mmerɛ nu ne, ma bɛ mukoraa bɛ nyunu ogua ase, ná bɛfɛre; bɛ bɔ bɛmoma bɛ bati so bekyire me ne, maa bɛfa animguaseɛ ne nyanzoen bɛhera.

Edwein 55:15

Ma ewue ɔte pe bɛ so; maa bɛhɔ ɛborɔ anyekaenn so, ofikyɛ bɔne wɔ b’awuro ne b’afia.

Edwein 66:7

ye yeɛ ɔfa ye tumi ne di hene afebɔɔ ɔ, ye yeɛ ye nye kɔ aporɔ wɔ wiase amukoraa ɔ, nnɛma ɛlɔenyɛlɛfoɛ bɛmoma bɛ nwo so. Sela

Edwein 71:13

Bɛ bɔ bɛbɔ me kwaadu ne, ma bɛ nyunu gua ase ná bewuwu, bɛ bɔ bɛpena me bepura me ne, ma nyanzoen ne animguaseɛ obia bɛ.

Edwein 79:12

Ao AWURADE, ngorohoɛ bɔ maen maen bɔ bapɛ yɛ nwo bayia bɛgoro wɔ nwo ne, tua bɛ so kerɛ pɛen nzoo.

Yesaya 1:2

O nyameɛso, ɛ́mɔtie, O aseɛ, ma wɔ so bra wa! Ofikyɛ AWURADE nwa nyoo: “Matete ngwadaa manea bɛ so maa banyi, nakoso bayɛ me nwo lɔen.

Yesaya 1:20

Nakoso sɛ ɛmɔtwi bɛfa so, ná ɛmɔyɛ lɔen a, ye de ɛmɔkɔtotɔ ngrandɛ noa, ofikyɛ AWURADE noa dwirɛ ɛne.”

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Awuye 1:5

Bɛbɔ bekyi ye ne, bakakyi ye mene mɔ, wayie ye pɔfoɛ mɔ yé, ofikyɛ AWURADE aprapra amaneɛ wagua ye so. Na ɔnate ye mmeraatolɛ worawora ne ati, ye pɔfoɛ mɔ bahye ye mma mɔ nnure, na bafa bɛ bahɔ.

Daniel 9:5

yayɔ bɔne, yayɔ amumuyɛɛ, yayɔ bɔ bɛnyɔ ɔ, yayɛ lɔen, kyɛ yali wɔ mmeraa dwirɛ ne wɔ nhyehyɛleɛ ne anwo makyebu ɔ.

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

Deuteronomi 2:30

Nakoso Hesebon hene Sihon wambene kyɛ yɛkɔfa ye aseɛ aso ɔ, ofikyɛ AWURADE wɔ Nyameɛ mane ye so yɛle se, maa obubuli mmakaa tuale ye so, amaa ɔnate so wafa ye wawura wɔ sa, kyɛbɔ kekesaala ye wayɔ ye.

1 Samuel 25:29

Me mene, sɛ ebie yɛ kyɛ ɔfoa wɔ pena wɔ ku wɔ a, ye de AWURADE wɔ Nyameɛ kɔbɔ wɔ ngoa nwo waen maa ɛkɔboka ateasefoɛ so. Nakoso wɔ pɔfoɛ mɔ bɛ ngoa de, okofindi bɛ kogua kyɛbɔ bɛfa taya befindi nyɔboɛ ne ala.

1 Samuel 25:39

Dawide tele kyɛ Nabal awu ne, ɔhane kyɛ, “AWURADE bɔ watɔ Nabal alapaa bɔ wabɔ me ne aso wereɛ, bɔ asa koso wamma ye akoaa anyɔ bɔne ne, animnyam hã ye. AWURADE ama Nabal bɔne abɔ ye bɔbɔ ye ti so.” Afei Dawide somane maa bɛɛhã behyirele Abigail kyɛ okogya ye.