Edwein 49:6 - AHYERƐLƐ KRONGRON

⁶ Nzu ati yeɛ nzuro bɛ bɔ bɛfa bɛ nwo bɛto b’anwonyadeɛ so, bɔ bɛfa b’anwonya bɛhoahoa bɛ nwo ɔ?

Edwein 49:6 Iomraidhean Croise

Ɛseta 5:11

Haman hane sɔ dwirɛ hemɔ hyirele bɛ: ye nwo bɔ wanya ye paa ɔ, ye mma somaa bɔ wawo bɛ ɔ, ye aba so bɔ Nana Ahasuro wabɔ amukoraa, ɔne kyɛbɔ Nana Ahasuro wasi wapagya ye dibea maa watra ye mbanyi mɔ ne ye somvoɛ mɔ ɔ.

Edwein 112:7

Onzuro ahunundetelɛ dwirɛ; ye adwene si ye pi, na ye wora wura AWURADE nu.

Edwein 112:8

Ye adwene gyi berɛ pindinn, na ongosuro kɔpem kyɛ bɔ ɔpena kyɛ ɔto ye pɔfoɛ mɔ ne, okonwu ye ɔ.

Edwein 52:7

“Ɛ́mɔnea sona bɔ wamva Nyameɛ wanyɛ ye afealeɛ, na mmom ɔfale ye wora wurale ye anwonya worawora nu, ná ɔfale ye nwo tole ye agyapadeɛ so ne!”

Edwein 56:5

Daa biala bɛpena kyɛ me noa tɔ, me nwo porɛ alaa yeɛ bɛbɔ ɔ.

Edwein 56:7

Yiti tua bɛ bɔne so kerɛ; ao Nyameɛ, fɛ ɛyaa, ná bɔ maen maen nemɔ!

Edwein 62:10

Nnɛma ɛmɔfa ɛmɔ nwo bɛto apoobɔlɛ so, yeɛ nnɛma ɛmɔ nye gye awue nwo; sɛ ɛmɔ anwonyadeɛ sone po a, nnɛma ɛmɔfa bɛ nwo bɛto so.

Anyandera 10:15

Sikaniɛ anwonya yeɛ ɔte ye kuro bɔ wato ye nwo fasue ɔ, yeɛ ehianiɛ ye hiaa yeɛ ɔte ye aworabɔlɛ ɔ.

Anyandera 11:28

Sona bɔ ɔfa ye wora wura ye anwonyadeɛ nu ne, ɔbɔ ase, nakoso teneneeniɛ de, ɔkɔyɛ frɔmfrɔm kyɛ nyaa monɛ.

Anyandera 23:5

Kyɛ ɛbɔ wɔ nye perɛ ne, né watu wamini, ofikyɛ anwonya le ndaa, na otu kyɛ kɔleɛ ɔkɔ anwuro anwuro.

Yeremia 9:23

Bɔ AWURADE kã hɔ ɛhe: “Nnɛma nworɛniɛ ɔfa ye nworɛ hoahoa ye nwo, nnɛma anwoserɛniɛ ɔfa ye anwoserɛ hoahoa ye nwo, yeɛ nnɛma sikaniɛ ɔfa ye anwonya hoahoa ye nwo.

Hosea 12:8

Efraim nwa, “Aa, manya me nwo, manya anwonyadeɛ.” M’adwumayɔlɛ amukoraa nu, bannwu amumuyɛɛ biala wɔ me nu, bɔ ɔte bɔne ɔ.

Marko 10:24

Yesu dwirɛ bɔ ɔhane ne yɛle asuafoɛ nemɔ nwanwa. Nakoso Yesu sa sele bɛ kyɛ “Me mma mɔ, ɛmɔanwu kyɛbɔ osi yɛ se ma bɛ bɔ bɛfa bɛ nwo bɛto anwonyadeɛ so kyɛ bɛkɔhɔ Nyameɛ ahennie ne anu ɔ!

Luka 12:19

ná afei mahã mahyire me kra kyɛ: Ɛkra, ele nningyein paa pee bɔ bafa basie berɛ bama wɔ bɔ okoli afoɛ pee ɔ; yiti de wɔ nwome, didi ná no, ná gye wɔ nye.’

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.