Edwein 49:3 - AHYERƐLƐ KRONGRON

³ Me noa kɔhã nworɛ dwirɛ, na me ti anu nzusuleɛ te nimdeɛ.

Edwein 49:3 Iomraidhean Croise

YOB NWOMAA NE 33:3

Me dwirɛ ne, ofi m’ahone nu turoloo, na me noa ka nahorɛ turoloo.

YOB NWOMAA NE 33:33

Nakoso sɛ elle dwirɛ biala nga de a, ye de tie me e, yɛ konn maa ngyire wɔ nworɛ.”

Edwein 104:34

Mesrɛ kyɛ ɔma bɔ medwene ye nwo ne ɔsɔ ye nye, ofikyɛ AWURADE nu yeɛ medi ahurusi ɔ.

Edwein 119:130

Wɔ dwirɛ nu ngyirekyiremuɛ ma kanea; ɔma sona bɔ ye adwene te kãa ɔ nya nimdeɛ.

Edwein 19:14

Ao AWURADE, me nyɔbotaen ne me defoɛ, edwirɛ bɔ ngɔte me noa ngɔhã, ɔne bɔ ngosusu ye nwo wɔ me ti anu ne, maa ɔsɔ wɔ nye.

Edwein 37:30

Teneneeniɛ kã nworɛ dwirɛ, na ye noa dwirɛ te nahorɛ turoloo.

Edwein 4:3

Nakoso ɛ́mɔkaye kyɛ sona bɔ ɔtengyɛ ne, AWURADE aneanea nu waye ye wasie berɛ wama ye nwo; sɛ mesu mefrɛ AWURADE a, otie me sufrɛ.

Edwein 45:1

Ndɛenvɛen ayi m’ahone nu tɛkyɛ, na ɛhene ne nwo dwein yeɛ meto ɔ, me temverema te kyɛ ahyerɛlɛniɛ bɔ waboa ye nwo ɔ ye pɛn.

Anyandera 22:17

Yɛ asoɛ tie nworɛfoɛ noa dwirɛ, ma w’adwene hɔ me nimdeɛ ne aso,

Mateo 12:35

Sona paa fi nningyein paa bɔ waboaboa ye noa wɔ ye ahone nu ɔ nu yeɛ ɔda nningyein paa ali ɔ; yeɛ sona bɔnefoɛ fi bɔne nningyein bɔ waboaboa ye noa wɔ ye ahone nu ɔ nu yeɛ ɔda bɔne nningyein ali ɔ.

Deuteronomi 32:2

Me ngyerɛkyerɛ ne ɔ́tɔ kyɛ esue, me dwudwolɛ ne ógua kyɛ bosue, ɔ́yɛ kyɛ nyenyenzue bɔ ogua ndire so ɔ, ɔne nyaanyaa so nyasue.