Edwein 49:16 - AHYERƐLƐ KRONGRON

¹⁶ Sɛ ebie yɛ sikaniɛ, sɛ onya ye nwo tam a, nnɛmaa ɔyɛ wɔ anyeboro.

Edwein 49:16 Iomraidhean Croise

Gyenesise 31:1

Yakob tele kyɛ Laban mma mmienzua nemɔ kekã kyɛ, “Yakob afa yɛ baba nningyein mukoraa; yɛ baba nwo yeɛ wafa wanya sɔ agyapadeɛ ye amu ɔ.”

Ɛseta 5:11

Haman hane sɔ dwirɛ hemɔ hyirele bɛ: ye nwo bɔ wanya ye paa ɔ, ye mma somaa bɔ wawo bɛ ɔ, ye aba so bɔ Nana Ahasuro wabɔ amukoraa, ɔne kyɛbɔ Nana Ahasuro wasi wapagya ye dibea maa watra ye mbanyi mɔ ne ye somvoɛ mɔ ɔ.

Edwein 37:1

Nnɛma bɔnefoɛ bɛ nwo adwenedwene tɔ wɔ so, yeɛ nnɛma wɔ nye boro amumuyɛɛfoɛ,

Edwein 37:7

Yɛ konn wɔ AWURADE nyunu, ná to wɔ bo ase nwondɛ ye. Sona bɔ ɔnate ye bɔbɔ ye atee so onya ye nwo, yeɛ sona bɔ ɔdwene nikyee tɛɛ nwo, ná ɔyɔ ne, nnɛma ye nwo adwenedwene tɔ wɔ so.

Edwein 49:5

Sɛ amaneɛ to me, yeɛ bɛ bɔ bɛtane me nye ne, sɛ b’amumuyɛɛ pɛ me nwo bra yia a, nzu ati yeɛ odi kyɛ mesuro ɔ?

Anyandera 28:12

Teneneefoɛ di ngonim a, ɔte anigye piri, nakoso sɛ bɔnefoɛ nya tumi a, mmenia nwati bɛkɔfea.

Hosea 13:14

Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Nyekyire 21:24

Maen maen kɔnate ye kanea ne anu, na aseɛ so ahemvo bɛkɔfa b’animnyam [ne anidie] bɛkɔwa nu.

Nyekyire 21:26

na bɛkɔfa maen maen mɔ b’animnyam ne b’anidie bɛkɔwa nu.