Edwein 49:11 - AHYERƐLƐ KRONGRON

¹¹ Ɔwɔ nu kyɛ bɛfale bɛ dumaa bɛtole b’aseɛ so de, nakoso b’asieleɛ yeɛ ɔte b’awuro afebɔɔ ɔ, na ɔte bɛ daberɛ aworɛ ndoatoasoɛ amukoraa nu.

Edwein 49:11 Iomraidhean Croise

Gyenesise 4:17

Kein ne ɔye bɛlale, ɔnwonzɛle, na ɔwole Henɔke. Kein kyekyele kuro bie, na ɔfale ɔwa Henɔke dumaa tole kuro ne.

2 Samuel 18:18

Mmerɛ bɔ né Absalom te ase ne, nyɔboɛ bɔ ɔwɔ Ɛhene Bɔnza ne anu ne, ɔfa penane berɛ yɛle ye bɔbɔ ye nwo ngayeɛ, ofikyɛ ɔhane kyɛ, “Nnne baa bienzua biala bɔ ɔnate ye so bɛkɔkaye me dumaa ɔ.” Ɔfale ye dumaa tole ngayeɛ nyɔboɛ ne aso, na bɛfrɛ ye Absalom ngayeɛ maa waadwu ɛnɛ.

Edwein 10:6

Ɔka ye wɔ ye ti anu kyɛ, “Mengofi ase”; aworɛ ndoatoasoɛ amukoraa nu, mengoyia amaneɛ biala.”

Edwein 39:7

Na afei AWURADE, nzikyɛ yeɛ mva me nye ndo so ɔ? Wɔ yeɛ me nye la wɔ so ɔ.

Edwein 5:9

Ofikyɛ bɛnga nahorɛ kaala, aborɛ yeɛ ɔwɔ bɛ ti anu ɔ; bɛ komvi te asieleɛ kumaa bɔ ɔla berɛ too ɔ, na bɛfa bɛ noa bɛdɛfɛdɛfɛ mmenia.

Edwein 64:6

Bɛpena amumuyɛɛ bɛyɔ, na bɛbɔ mmɔden bɛyɔ amumuyɛɛ ne. Nahorɛ nu, kuro sona ti anu adwene, ɔne adwene nu nzusuleɛ bɛ nu pi!

Nworɛ Dwirɛhanɛniɛ 2:14

Nworɛniɛ se nekaa bɔ ɔkɔ ɔ, nakoso kwaseaa de, awosii nu yeɛ ɔnate ɔ. Nakoso nwuni kyɛ ayieleɛ komapɛ ne ala yeɛ oyie bɛ mukoraa ɔ.

Nworɛ Dwirɛhanɛniɛ 2:21

Ofikyɛ, ɔtɔ mmerɛ bie a, ebie bɔ wafa ye nworɛ ne ye nimdeɛ ne ye adwene wapena agyapadeɛ ne, odi kyɛ ɔyakyi ye berɛ ma sona bɔ wamvɛ ye nwo ɔ bafa: Ɛhe koso te mbaen, na ɔte edwirɛ yealɛ piri paa.

Hesekiel 38:10

“AWURADE Nyameɛ nwa nyoo: Sɔ kyẽa ne, adwene biemɔ kɔwa wɔ ti anu, ɛkɔbɔ porɛ,

Luka 11:39

Na Awurade sele ye kyɛ, “Ɛmɔ Farasiifoɛ de, ɛmɔnwunzi kwangoa ne prɛte nwo, nakoso ɛmɔ nu de, apoo ne bɔne yɔleɛ ayi ye tɛkyɛ.

Asomafoɛ 8:22

Yiti sakyera w’adwene fi wɔ bɔne he nwo, na srɛ Awurade kyɛ sɛ ɔkɔyɛ yee a, ɔfa wɔ nzusuleɛ tɛɛ he hyɛ wɔ.

Deuteronomi 3:14

Manase bosoniɛ Yari, ɔho fale Agɔbo bɔ besa bɛfrɛ ye Basan ne. Mekyire aseɛ amukoraa bɔ ɔkwaadwu Gesurefoɛ ne Maakatifoɛ ɛwɛen so ne, na ɔfale ye dumaa tole so kyɛ, Hawote Yari, na dumaa ne la so maa waadwu ɛnɛ.)

1 Samuel 15:12

Samuel pɛle aleɛ dwɔsole kyɛ ɔkwaapena Sɔɔlo. Na bɛha behyirele Samuel kyɛ, “Sɔɔlo ahɔ Kamɛl, nekaa bɔ wasi ngayeɛ nikyee wafa wahyɛ ye nwo animnyam ne, na waase wapɛ nu wahɔ Gilgal.”