Edwein 48:9 - AHYERƐLƐ KRONGRON

⁹ Ao Nyameɛ, yɛdwenedwene wɔ ɔdɔ bɔ onni ngasi ne anwo, wɔ w’asɔneyɛɛ sua ne anu.

Edwein 48:9 Iomraidhean Croise

1 Ahemvo 10:6

Yiti osele Solomon kyɛ, “Edwirɛ bɔ ndele ye wɔ me bɔbɔ me maen nu dɔ bɔ ɔfa wɔ nningyein bɔ ayɔ ɔne wɔ nworɛ nwo ne, ɔte nahorɛ.

1 Ahemvo 10:7

Nakoso manne edwirɛ bɔ ndele ne manni kɔpem kyɛ me bɔbɔ mvale me nye nwuni ye ɔ. Bɔ ndele ne, ondwu bɔ manwu ye ne ye bue po. Wɔ nworɛ ne w’anwonya ɔbo bɔ ndele ne aso koraa.

Edwein 104:34

Mesrɛ kyɛ ɔma bɔ medwene ye nwo ne ɔsɔ ye nye, ofikyɛ AWURADE nu yeɛ medi ahurusi ɔ.

Edwein 26:3

Ofikyɛ daa biala mekaye wɔ ɔdɔ bɔ onni ngasi ne, na wɔ nahorɛlilɛ ne anu yeɛ menate ɔ.

Edwein 40:10

Wɔ tenenee nwo dwirɛ ne, mamva mamvea wɔ me ti anu; mabɔ wɔ nahorɛlilɛ ne wɔ ngoalelɛ nwo dawure. Wɔ ɔdɔ bɔ onni ngasi ne, ɔne wɔ nahorɛlilɛ ne, mamva ye nwo dwirɛ mamvea badwa kandinga ne.

Edwein 87:5

Na bɛkɔhã bɛkɔfa Sion nwo kyɛ, “Sona he ne asomasi koso, kuro ne anu berɛ yeɛ bɛwole bɛ ɔ”; ofikyɛ Anwuro Anwuro Nyameɛ ne bɔbɔ kɔmaa kuro ne kogyina.

Edwein Nu Dwein 1:4

Twetwe me bra wɔ nwo, ma yɛ nwo ɔyɛ nyera. Ao, ɛhene ne afa me awa ye pumbu nu. Yɛ nye kɔhã, ná yali wɔ nwo ahurusi, wɔ hurolɛ ne, yɛkɔkamvo ye yɛkɔtra bobe nzaa. Ɔnyɛ nwanwa kyɛ bekuro wɔ ɔ.

Yesaya 26:8

O AWURADE, yɛ nye la wɔ ate wɔ wɔ ndɛenbualɛ atee ne aso, yɛ kra wora adɔ wɔ dumaa, ɔne wɔ nwo ngayeɛ.

Yeremia 31:40

Na efuin ne nzoen bɔnza ne amukoraa, ɔne aseɛ amukoraa bɔ ɔkwaadwu asue Kidron, bɔ ɔkwaadwu Pɔngɔ pambim ne ndweasoɛ so wɔ eyia afiteleɛ so ne, ɔkɔyɛ krongron kɔma AWURADE. Ye bo ngotutu ko, yeɛ bengodwiri bengogua ase ko le.”