Edwein 47:8 - AHYERƐLƐ KRONGRON

⁸ Nyameɛ di maen maen mɔ so hene, Nyameɛ te ye ahennie bia krongron ne aso.

Edwein 47:8 Iomraidhean Croise

1 Aberɛso Dwirɛ 16:31

Nyameɛso, ma wɔ nye gye, aseɛ koso, di ahurusi, ná bɛhã ye wɔ maen maen nemɔ aso kyɛ, “AWURADE di hene!”

Edwein 110:6

Okobua maen maen mɔ ndɛen, na ɔkɔmaa mmenia fuin koyi bɛ so to; ɔkɔgorɔgorɔ mmenia ti wɔ aseɛ so amukoraa.

Edwein 48:1

AWURADE te piri, na ɔfata ayɛyelɛ piri paa wɔ yɛ Nyameɛ kuro ne anu. Ye bokaa krongron ne,

Edwein 89:14

Tenenee ne ndɛenbualɛ turoloo te w’ahennie bia nyinasoɛ; ɔdɔ bɔ onni ngasi ɔne nahorɛlilɛ beli wɔ nyunu.

Edwein 9:4

Ofikyɛ ali me dwirɛ ama me, na atena ahennie bia so bɔ ebua ndɛen turoloo ɔ.

Edwein 93:1

AWURADE di hene, wafa animnyam wahera; AWURADE afa ahera, wafa anwoserɛ wabɔ abɔsoɛ. Amba, wiase bo atimu, bɛngɔhora ye bo tutu.

Edwein 94:20

Maenbulɛfoɛ atianuserɛfoɛ bɔ bɛhyɛ mmeraa bɛfa bedi bɔne ne, aso bɛkɔhora bɛ ne wɔ kotira abiɛngoɛ?

Edwein 96:10

Ɛmɔhã ye wɔ maen maen amukoraa nu kyɛ, “AWURADE di hene! Amba, wiase timu berɛ pindinn, ye bo ngotutu le. Ɔkɔfa pɛpɛɛpɛyɛlɛ kobua maen maen nemɔ ndɛen.”

Edwein 97:1

AWURADE di hene! Aseɛ, di ahurusi; mboanoa worawora mɔ, ɛ́mɔma ɛmɔ nye gye!

Edwein 99:1

AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Edwein 99:2

AWURADE te piri wɔ Sion, na odi maen maen amukoraa so.

Sakaria 14:9

AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Malaki 1:14

Musue to nnakannaka sona bɔ ɔfa kaka nyii bɔ ɔwɔ ye mmoaen kure nu ɔ ɔhyɛ bɔ, nakoso ɔfa bɔ wali nnɛen ɔ ɔbɔ afɔleɛ ma AWURADE ɔ. Ofikyɛ nde Ɛhene piri, na me dumaa nwo suronyi tɔ maen maen mɔ so, Asafo AWURADE noa dwirɛ ɛne.

Hebrifoɛ 4:16

Yiti ɛ́mɔma yɛsi y’ahone yɛbra adom ahennie bia ne nyunu, amaa ɔnate so wanwu yɛ anwumvoin, ná yanya adom bɔ ɔkɔboka yɛ ɔ wɔ mmerɛ bɔ ɔsɛ ɔ nu.

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.