Edwein 47:6 - AHYERƐLƐ KRONGRON

⁶ Ɛ́mɔto Nyameɛ nwo ayɛyelɛ dwein, ɛ́mɔto ayɛyelɛ dwein, ɛ́mɔto yɛ Hene nwo ayɛyelɛ dwein, ɛ́mɔto ayɛyelɛ dwein!

Edwein 47:6 Iomraidhean Croise

1 Aberɛso Dwirɛ 15:28

Yiti Yisrael mukoraa bele esebɔlɛ, awɛenhulɛ, totorobɛndohulɛ ne firikyiwabɔlɛ bɛɛfale AWURADE apam alaka ne bɛwale, na né bɛbɔ adengum ne sangoo bɛto dwein serɛserɛ paa.

1 Aberɛso Dwirɛ 16:9

Ɛ́mɔto ye nwo dwein, ɛ́mɔto ye nwo ayɛyelɛ dwein. Ɛ́mɔbɔ ye anwanwadeɛ amukoraa nwo dawure.

1 Aberɛso Dwirɛ 29:20

Afei Dawide sele maen ne amukoraa kyɛ, “Ɛ́mɔye AWURADE ɛmɔ Nyameɛ ayɛ.” Na mmenia amukoraa bɔ babɔ dwaa ne, bɛyele AWURADE bɛ nana mɔ Nyameɛ ne ayɛ, na bɛbɔle bɛ nu ase bɛsɔnene AWURADE, yeɛ bɛkotole Nana Dawide koso.

Edwein 145:1

Me Nyameɛ ne me Hene, ngɔkamvo wɔ, na ngɔhyɛ wɔ dumaa animnyam afebɔɔ.

Edwein 68:4

Ɛ́mɔto Nyameɛ nwo dwein, ɛ́mɔto ye dumaa nwo ayɛyelɛ dwein, ɛ́mɔpɛ atimbire bɛ́ma bɔ ɔte nikyee so ɔnate munungum so ne; ye dumaa ole AWURADE, na ɛmɔli ahurusi wɔ ye nyunu.

Edwein 89:18

Ofikyɛ AWURADE yeɛ ɔte y’akokyɛm ɔ, Yisrael Krongronniɛ ne yeɛ ɔte yɛ Hene ɔ.

Ɛksadɔso 15:21

Na Miriam surole so kyɛ, “Ɛ́mɔto dwein bɛ́ye AWURADE ayɛ, ofikyɛ wama ye nwo so ngonim nu; wagyi pɔngɔ ne pɔngɔhanɛniɛ ne wagua ɛpo nu.”

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Mateo 27:37

Na kwaadu bɔ bɛbɔle ye ne, bɛhyerɛ bɛfa bɛbɔle ye ti anwuro kyɛ, “Yesu Yudafoɛ Hene Ne Ɛhe!”