Edwein 46:2 - AHYERƐLƐ KRONGRON

² Yiti sɛ aseɛ kakyi butu, ná mmokaa tutu kogua ɛpo buma nu,

Edwein 46:2 Iomraidhean Croise

2 Samuel 22:3

me Nyameɛ, me nyɔbotaen bɔ mebɔ me nwo waen wɔ nu ɔ, m’akokyɛm ne me ngoalelɛ anwoserɛ, m’anwoserɛ afealeɛ ne me nwo adwaa, me defoɛ bɔ ode me fi basabasayɔlɛ nu ɔ.

Edwein 142:6

Tie me sufrɛ, ofikyɛ maboto paa. Pepɛ de me fi bɛ bɔ bɛtane me nye ɔ bɛ sa nu, ofikyɛ bɛ nwo yɛ se tra me.

Edwein 18:7

Yeɛ aseɛ pusuli, na ɔwosole; mmokaa mɔ nyinasoɛ ye bo kekane, na ɔwosole, ɔnate kyɛ ye ahone huli.

Edwein 23:4

Sɛ nnate ewue bɔnza awosii kabii nu po a, menzuro musue biala, ofikyɛ ɛne me yeɛ yɛnate ɔ; wɔ bakaa ne wɔ pɔmaa yeɛ bɛkyekye me wora ɔ.

Edwein 27:3

Sɛ ɛlɔen kyekye asikyeleɛ kyɛ bɛbaafa koɛ bɛtoa me po a, me kunu ngɔtete me; sɛ bɛfa koɛ bɛbateta me po a, ngogyina pindinn.

Edwein 28:7

AWURADE te m’anwoserɛ ne m’akokyɛm, ye yeɛ me nye la ye so ɔ; yiti ɔboka me, na me nye gye. Ngɔfa me dweintolɛ ngɔla ye ase.

Edwein 37:39

Teneneefoɛ de, bɛ ngoalelɛ fi AWURADE, na bɛkɔ amaneɛ nu a, ye yeɛ ɔte b’afealeɛ ɔ.

Edwein 59:17

Ao m’anwoserɛ, ngɔto dwein ngɔye wɔ ayɛ, ofikyɛ ao Nyameɛ, wɔ yeɛ ɛte m’anwoserɛ afealeɛ ɔ, Nyameɛ bɔ ɔye ɔdɔ bɔ onni ngasi ne ali kyire me ɔ.

Edwein 62:8

Ao kuro mmenia, odi kyɛ ɛmɔfa bɛ nwo bɛto ye so mmerɛ biala, ná ɛ́mɔfa ɛmɔ ahiasɛm bɛto ye nyunu, ofikyɛ Nyameɛ te y’afealeɛ. Sela

Edwein 62:9

Adasa mmaa te mvrama, yeɛ kuro mmenia te nnakannaka nikye; sɛ bɛkari bɛ wɔ tonyi so a, bɛ nu nyɛ no, sɛ ɛfa bɛ munyɔ bɔ nu a, bɛ nu yɛ nyera tra mvrama.

Edwein 82:5

Belle nimdeɛ, yeɛ belle ndeaseɛ, bɛnate awosii nu; aseɛ fapem amukoraati ɔwoso.

Edwein 91:2

okose AWURADE kyɛ, “Ɛte m’afealeɛ ne m’anwoserɛ afealeɛ, me Nyameɛ bɔ me wora wura ye nu ɔ.”

Yeremia 14:8

Ao Yisrael anyelasoɛ, ye Defoɛ wɔ amaneɛnwunɛ mmerɛ nu, nzu ati yeɛ ɛyɛ wɔ nwo kyɛ ɛwɔfoɛ wɔ aseɛ ye aso ɔ, kyɛ akwanduniɛ bɔ aleɛ asa bɔ ɔpena nekaa osikye ɔ?

Nahum 1:7

AWURADE te paa, ɔte amaneɛnwunɛ mmerɛ nu anwoserɛ afealeɛ, na ɔse bɛ bɔ bɛfa bɛ wora bewura ye nu ɔ.

Mateo 21:21

Yeɛ Yesu buale bɛ kyɛ, “Nahorɛ nu, mekã mekyire ɛmɔ kyɛ, sɛ ɛmɔle gyidie ná ɛmɔanzu aporowaa a, nna bɔ wato borɔdoma bakaa he angome yeɛ ɛmɔkɔyɔ ɔ, na mmom, sɛ ye po ɛmɔkã bekyire bokaa he kyɛ, ‘Tutu kɔtɔ ɛpo nu’ a, ɔkɔyɛ berɛ.

Luka 21:33

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Hebrifoɛ 13:6

Yiti yɛkora yɛsi y’ahone yɛkã kyɛ, “Awurade te me bokafoɛ, mengosuro nikye fee. Kuro sona kɔhora kɔyɔ me nzu?”