Edwein 46:1 - AHYERƐLƐ KRONGRON

¹ Nyameɛ te yɛ nwo ɛwaenbɔlɛ ne y’anwoserɛ, bokafoɛ paa bɔ opingye yɛ wɔ amaneɛnwunɛ mmerɛ nu ɔ.

Edwein 46:1 Iomraidhean Croise

Gyenesise 22:14

Yiti Abraham tole berɛ dumaa “Adonai Yire, [anaa AWURADE kohyire].” Na ɛnɛ ne ɛnɛ ye po, mmenia ka kyɛ, “AWURADE bokaa ne aso yeɛ okohyire ɔ.”

1 Aberɛso Dwirɛ 15:20

Afei bɛyele Sakaria, Asiɛl, Semeramote, Yehiel, Yuni, Eliabo, Maaseya ne Benaya kyɛ bɛbɔ adengum, kyɛbɔ edweintolɛ bɔ bɛfrɛ ye Alamote ne, ɔte ne ala.

Edwein 14:6

Sona bɔ ɔyɛ anwumvo ne, ɛmɔama ye nzusuleɛ ayɛ basaa, nakoso AWURADE yeɛ ɔte ye afealeɛ ɔ.

Edwein 142:5

Ao AWURADE, mesu mefrɛ wɔ. Menwa, “Wɔ yeɛ ɛte m’afealeɛ ɔ, ɛte me bue deɛ wɔ ateasefoɛ aseɛ so.”

Edwein 145:18

AWURADE pingye bɛ bɔ besu bɛfrɛ ye ɔ amukoraa, amba, bɛ bɔ besu bɛfrɛ ye nahorɛ nu amukoraa.

Edwein 42:1

Ao Nyameɛ, kyɛbɔ dabɔɔ ye komvi de asue ba bɔ ɔse ɔ nu nzue ne, sɔ ala yeɛ me kra pena wɔ si atee ɔ.

Edwein 46:11

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 46:7

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 48:1

AWURADE te piri, na ɔfata ayɛyelɛ piri paa wɔ yɛ Nyameɛ kuro ne anu. Ye bokaa krongron ne,

Edwein 66:1

Aseɛ amukoraa, ɛ́mɔfa ahurusi bɛbɔ Nyameɛ nwo ese; ɛ́mɔto ye dumaa nwo animnyam dwein;

Edwein 84:1

Ao Asafo AWURADE, w’atenaleɛ ne, kyɛbɔ osi yɛ nyemene ɔ!

Edwein 85:1

AWURADE, ɛlole wɔ maen; ɛfale Yakob fili nnurehyelɛ nu sa wale.

Edwein 87:1

AWURADE kuro bɔ wakyekye ne, ye fapem gyi bokaa krongron ne aso.

Edwein 9:9

AWURADE te anwoserɛ afealeɛ ma bɛ bɔ ebiemɔ hyɛ bɛ so ɔ, anwoserɛ afealeɛ wɔ amaneɛnwunɛ mmerɛ nu.

Anyandera 14:26

Bɛ bɔ besuro AWURADE ne, bɛ wora wura ye nu pindinn, na ɔbɔ bɛ mma nwo waen.

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Deuteronomi 4:7

Aso maen titire foforɛ bie wɔ berɛ, bɔ ole nyameɛ bie bɔ opingye ye mmenia te kyɛ AWURADE yɛ Nyameɛ si pingye yɛ ɔ, bɔ otie yɛ mmerɛ biala bɔ yɛkosu yɛkɔfrɛ ye ɔ?

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.