Edwein 45:9 - AHYERƐLƐ KRONGRON

⁹ Ahemvo mma mmrasua nemɔ, bɛboka wɔ ndaluwa titire nemɔ aso, na ahenyerɛ ne, ogyi wɔ sa famaa so bɔ wafa Ofire esikaa kɔkorɛ wasiesie ye nwo ɔ.

Edwein 45:9 Iomraidhean Croise

1 Ahemvo 10:11

Afei koso, Hiram ɛlɛen mɔ bɔ bɛsoale esikaa kɔkorɛ befili Ofire ne, bɛfale asamvona ne nyɔboɛ bɔ ye nyɔboɛ yɛ se ɔ pee befili Ofire bɛwale.

1 Ahemvo 2:19

Yiti Bahyeba hɔle Nana Solomon berɛ kyɛ ɔkwaafa Adoniya dwirɛ ne to ye nyunu. Nana Solomon dwɔsole ooyiale Bahyeba, na ɔbɔle ye nu ase mane Bahyeba. Afei Solomon tenane ye ahennie bia so, na ɔmaa bɛfale ahennie bia bɛbrɛle ye maame maa ɔtenane ye sa famaa so.

1 Ahemvo 2:9

Yiti nnɛmaa ɔfa ye nwo di tɔtorɔtɔɔ, ofikyɛ ɛte nworɛniɛ; ɛse nikyee bɔ odi kyɛ ɛfa yɔ ye ɔ. Nea kyɛ ɛkɔmaa bɛkɔhã ye mogya bekogua maa ɔkɔhɔ borɔ ɔ.”

1 Aberɛso Dwirɛ 1:23

Ofire, Hawila ne Yobabo. Sɔ mmenia nemɔ amukoraa bɛte Yoketan boso ama.

YOB NWOMAA NE 22:24

sɛ ebu sikaa kɔkorɛ kyɛ mvuture a, ɔne Ofire sikaa kɔkorɛ kyɛ asue nu nyɔboseka,

Edwein 45:13

Ɛhene awa brasua ne, ɔwɔ ye animnyam nu, na owura ataadeɛ bɔ bafa esikaa kɔkorɛ batuatua nu ɔ.

Edwein 72:10

Tasise ahemvo ne dedeede aseɛ ahemvo nemɔ, maa betua ndɔ bɛma ye; ma Hyeba ne Seba ahemvo mɔ bɛfa akyɛdeɛ bɛbrɛ ye.

Anyandera 7:17

Mafa korobo, pɛprɛ ne ayirefona mapete me mba so fonafona.

Edwein Nu Dwein 7:1

O, dehyeɛ awa brasua, wɔ gya ne mbaboa yɛ nyemene! Wɔ sɔ ne, ye aporɛ so te kyɛ agudeɛ, ɔte dwumvoɛ paa ye sa noa adwuma.

Yesaya 49:23

Ahemvo mɔ, bɛkɔyɛ wɔ baba mɔ bɔ bɛtete wɔ ɔ, yeɛ bɛ hemmaa mɔ kɔyɛ wɔ maame mɔ bɔ bɛma wɔ nyɔfone ɔ. Bɛkɔfa bɛ nyunu bekobutu ase bekobu ndwerɛ wɔ wɔ nyunu, ná batafe wɔ gya bo mvuture. Na afei ekonwu kyɛ me ole AWURADE, na bɛ bɔ bɛfa bɛ nye bɛto me so ne, bɛ nyunu ngogua ase.”

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

Nyekyire 19:7

Ɛ́mɔma yɛ nye gye ná yɛli ahurusi, ná yɛhyɛ ye animnyam, ofikyɛ Boaen Ba n’atɔmvorɛfalɛ ne wadwu, na ɔye ne asiesie ye nwo wayie.

Nyekyire 21:2

Na nwuni kuro krongron ne, Yerusalem foforɛ ne, kyɛ ofi Nyameɛ berɛ wɔ nyameɛso odwu ba ɔ, bɔ basiesie ye kyɛ atɔmvorɛ braa bɔ basiesie ye nwo bama ohu ɔ.

Nyekyire 21:24

Maen maen kɔnate ye kanea ne anu, na aseɛ so ahemvo bɛkɔfa b’animnyam [ne anidie] bɛkɔwa nu.

Nyekyire 21:9

Na abɔfo nzoo bɔ betiratira kulie nzoo ne, bɔ ɛhawo nzoo bɔ ɔpɛ ye bo ne bayi bɛ tɛkyɛ ne, bɛ nu ko wale me berɛ oosele me kyɛ, “Bra, na ngohyire wɔ Atɔmvorɛ braa ne, Boaen Ba n’aye ne.”